LP de Los Wavy Gravies

Por fin temos unha remesa do debut de Los Wavy Gravies, o lp "Kings of the Underground", editado por Family Spree no mes de xuño. Se queredes facervos co voso exemplar só tedes que pasar polo local, e apurade que antes de poñelos ao público xa están voando.

"NADA(L)", de Xonix Records

Dende esta fin de semana xa tedes dispoñible no Rif-Rock o compilatorio recén estreado de XONIX Records: "NADA(L)". Un fermoso proxecto que recolle 13 panxoliñas orixinais de 13 bandas galegas actuais, entre os que están Espiño, os Ruxe-Ruxe, os míticos Zenzar, ou Los Wavy Gravies acompañando a Óscar Avendaño, do que por certo, tamén nos deixaron copias do seu último traballo con Los Míticos GTs. Todo en cd empaquetados en bonitos digipacs. 

Apurade que voan.

Mais info na web de Xonix Records.