martes, 16 de julio de 2019

Redd Kross 'The Party Underground'

Novo tema de adianto do "Beyond the Door" dos Redd Kross, que sairá a finais de agosto. Aquí temos 'The Party Underground', recuperando o bubblepop dos vellos tempos...



viernes, 12 de julio de 2019

AVISO! Vacacións ata o Venres 19 de xullo

AVISO!!!
Este fin de semana collemos vacacións de novo.
Sentimos avisar con tan pouca antelación...
Volveremos o VENRES 19...
Mentres metédelle un repaso ao Space Oddity de Bowie que cumpre 50 anazos!!



jueves, 11 de julio de 2019

Serán de Troula 2019

Onte presentouse a nova edición do Serán de Troula en Cambados. 
Tres datas imprescindibles para os xoves de agosto: Juzz, Basanta, The Bongo Club e Mascada en directo, e despois dos concertos sesións a cargo dos tres selos da vila... Ide reservando días na axenda!
Seguide informados no seu facebook.


martes, 9 de julio de 2019

Oh Sees 'Poisoned Stones'

Máis adiantos do novo dos Oh Sees. 
O seu próximo álbum leva por título "Face Stabber", e sairá o 18 de agosto co selo Castle Face Records.
A semana pasada compartían o tema 'Henchlock', de 21 minutazos que pechará o álbum, e onte mesmo lanzaron o video clip de 'Poisoned Stones'. 
Semella que Dwyer está a prepararnos outra interesante viraxe...



jueves, 4 de julio de 2019

Revival Rif-Rock: Quén Matou a Brian Jones?

Hai tempo que non facíamos unha entrega de Revival do Rif-Rock, así que hoxe toca.
Onte cumpríanse 50 anos da morte do mítico Brian Jones, foi o 3 de xullo de 1969.
Pero imos ao 2014.
Un dos mellores concertos que celebramos aquel ano no local foi precisamente unha homenaxe ao Rolling maldito: Quén Matou a Brian Jones?
Os protagonistas foron os RifRocKerZ Experience, coa banda en formato quinteto, con Isidro Dozo, Karlos Abal, Kevi Aragunde, Piti González, e con Kike Barreiro que debutaba aquela noite no Rif-Rock.
Repertorio de clásicos, e noite con toda a parafernalia que requería unha ocasión así.

Tedes o concerto completo nesta lista de reprodución, e atoparedes todo o material que lle adicamos naquelas semanas seguindo a etiqueta Quén matou a Brian Jones?.



martes, 2 de julio de 2019

lunes, 1 de julio de 2019

Directos dos Meat Puppets



Os Meat Puppets están de volta. Logo de varios paróns na súa carreira e cambios de formación, os irmáns Kirkwood reunen de novo á formación orixinal da banda, con Derrick Bostrom na batería. Nunca volveron ter o certo éxito que acadaron a comezos dos 90s, pero sempre son un seguro de bos temas e grandes discos. 
En marzo lanzaron un novo álbum de estudio, o número 15 da súa carreira se non nos fallan o cálculos, "Dusty Notes" (Megaforce Records), e xa están metidos nunha longa xira de presentación.
A semana pasada compartiron eos audios dos seus últimos concertos, en Portsmouth do 17 de xuño, e no Zoom de Frankfurt, do día 18. 
En descaga de balde en varios formatos:
Meat Puppets Live at 3S Artspace // Meat Puppets Live at Zoom
Na xira presentan os temas do seu último traballo, e por suposto ahí tedes tamén 'Plateau', ou a miña favorita 'Lake on Fire' nun longo medley final. 
Un auténtico pracer volver a escoitalos con esa forza en directo. 

sábado, 29 de junio de 2019

'Insight' (Unknown Pleasures: Reimagined)

Nova entrega da serie audiovisual Unknown Pleasures: Reimagined, un dos proxectos cos que este ano se conmemoran os 40 anos do lanzamento do mítico "Unknown Pleasures" de Joy Division. 
Dez dos máis representativos creadores audiovisuais dos nosos días reinterpretan en clave de videoclip cada un dos 10 temas do álbum. 
Aquí tedes a peza correspondente a 'Insight', dirixida por Makoto Nagahisa.


jueves, 27 de junio de 2019

The New Mastersounds "The Nashville Sessions 2"

Máis novidades que nos chegan dende WillWork4Funk.
Noutras ocasións xa vos recomendamos traballos dos fantásticos The New Mastersounds. A banda de Leeds leva xa 20 anos sen pausa, e desta vez volven ás improvisacións en directo.
O pasado lanzaron dous álbumes, "Renewable Energy" (One Note Recs) que incluímos na nosa selección dos mellores álbumes do Black Grooves do 2018, e este "The Nashville Sessions 2", que obviamente é unha continuación das sesións que lanzaran no 2016.
A premisa é sinxela, o cuarteto reunido no estudio de Nashville Welcome to 1979, 100% analóxico, rodeados de uns poucos convidados como público, e desenrolando improvisacións sobre unhas melodías de partida, ademáis de dous temas do Renewable. Dende ahí xurde a fusión de funk, jazz e rock, elementos groovie ou de jazz modal, coa única diferencia con respecto á colección anterior nos teclados -ao Hammond engaden un sintetizador analóxico-. O resultado non podía ser outro que o dunha banda en pleno estado de madurez divertíndose, e transmitindo toda esa enerxía positiva.
O certo é que é para escoitar de tirón, pero se precisades de recomendacións, quédome cos sete minutazos de desenrolo rítmico e a guitarra afiada de 'Thermal Bad', o achegamento ao modal en 'Afro Metropolis', ou a setenteira 'All I Want (Right Now)', que xunto con '3 on the B' teñen a Herbie Hancock como claro referente. E para pechar os 9 minutos de relaxante rítmica tropical de 'Six Underground'.
E se queredes máis, pois xa teñen dous novos 7'' no mercado, e seguro que o próximo álbum en camiño. Seguiremos desfrutando do seu groove.


THE NEW MASTERSOUNDS "The Nashville Sessions 2"
(One Note Records, 2018)

The Public Opinion Afro Orchestra "Naming & Blaming"

Imos con recomendacións para esta semana. 
Neste caso que chegan dende WillWork4Funk. 
Hoxe traémosvos a The Public Opinion Orchestra, unha big band de Melbourne que practica un afrobeat adictivo, respectando a instrumentación clásica do xénero e as súas estructuras, engadindo toques de hip-hop vocal que alterna cos xogos de voces do canon, e solos de vento propios do jazz. Unha mestura hipnótica en longos desenrolos dos temas, nos que destacan as ricas percusións, as posibilidades dos metais e os xogos corais. 
Abordan o afrobeat en toda a súa dimensión, non só no musical, tamén nas letras, combativas e comprometidas, dando continuidade as problemáticas panafricanistas que dununciaba Fela Kuti nos 70s, xa con outra dimensión xeracional.
"Naming & Blaming" é o seu segundo álbum, lanzado en novembro do ano pasado. Ademáis tamén teñen un álbum anterior "Do Anything Go Anywhere" do 2010, que descoñeciamos, ademáis de un par de singles do 2011 e do 2015, pero que tamén vos recomendamos.
'No Passport', 'Fight so Hard', 'Medicine' ou a propia 'Naming & Blaming' inclúen longos coa estructura clásica do afrobeat e melodías bastante recoñecibles do xénero, con coidadas incorporacións de jazz e con spoken e rap, alternando as melodías de Lamine Sonko como voz principal e as intervencións de MC One Sixth. Para rematar, o tema máis breve e enérxico, 'The System', unha peza explosiva que concentra tódolos elementos en só 4 minutos de pura maxia.

Bandcamp de The POAO.
Ver na web de WillWork4Funk.

THE PUBLIC OPINION AFRO ORCHESTRA "Naming & Blaming"
(Hopestreet Recordings, 2018)




miércoles, 26 de junio de 2019

Revista Cen Follas

O pasado xoves 20 de xuño, presentouse na Feira do Libro de Cambados, o primeiro número da revista Cen Follas de Artes de Letras
Está editada pola Asociación Cen Follas, e ademáis de artigos de arte, entrevistas e contribucións literarias, inclúe un dossier da actividade cultural cambadesa do último ano. Unha desas iniciativas que é obrigatorio apoiar. 
A nosa noraboa aos editores!!



martes, 25 de junio de 2019

Vibravoid "On The Outside Looking In"

Máis material de Vibravoid que recuperamos.
Isto non é novo, pero o empregamos recentemente para outras publicacións, e caímos na conta que nunca o compartíramos no blog dos RifRocKerZ.
"On the Outside Looking In" é unha peza audiovisual montada pola xente do fanzine xermano TimeMazine como soporte audiovisual para un dos seus programas de radio. No 2017 adicaron un aos Vibravoid, titulado "On The Outside Looking In", empregando os temas 'Raga Baya', 'Alphawave', 'Incense And Peppermints', 'Rheinflow', 'Just Let Go', 'Stepping Stone' e 'Seefeel'. 
Pouco máis de 20 minutos para ver, ou escoitar, de un tirón.



viernes, 21 de junio de 2019

Volvemos o Venres 28

AVISO IMPORTANTE PARA ESTA SEMANA!!
Lembrade que esta semana collemos vacacións no local, así que este fin de semana (venres 21 e sábado 22) non teredes Rif-Rock.
Moitos xa estaban avisados, pero o recordamos de novo.
VOLVEREMOS O VENRES 28, con outra entrega da serie Black Grooves!... 
Mentres, pasádeo o mellor posible.


jueves, 20 de junio de 2019

Pere Ubu "The Long Goodbye"

Máis novidades. David Thomas acaba de presentar estes días o novo álbum de Pere Ubu, "The Long Goodbye" con saída para o 12 de xullo.
Segundo Thomas é a fin dun camiño -esperemos que non literalmente-, un álbum moi diferente a todo o que leva feito nos últimos 40 anos, con máis presencia de bases electrónicas, sintetizadores e caixas de ritmos, pero tamén incorporando percusión tribal de Peter Jørgens, e multitude de instrumentos como clarinetes, acordeóns... Aínda que nada diso sexa novedoso no seu repertorio, promete unha fusión entre techno e rock na súa proposta avant-garde, que sintetiza como avant-garage. Teremos que oílo todo.
Ademaís o álbum será lanzado xunto con "Monteuil" un disco extra que recolle un directo de decembro do ano pasado no teatro de Montreuil, en Paris, na primeira presentación destess temas en directo, algunha versión e descartes aínda inéditos.
Polo momento nos deixa de mostra 'What I Heard On The Pop Radio'.

PERE UBU "The Long Goodbye"
(Cherry Red Records, 2019)



miércoles, 19 de junio de 2019

PJ Harvey 'The Crowded Cell'

PJ Harvey está ocupada nos últimos tempos na composición de temas para bandas sonoras. Recentemente encargouse da banda sonora do remake de All About Eve (a mítica Eva al Desnudo, de Mankiewicz), e tamén do documental A Dog Called Money, que inspirara o seu último álbum de estudio.
A semana pasada lanzouse a banda sonora da miniserie británica The Virtues, unha producción de Warp Films para Channel 4. 
Na colección inclúense temas de Micah P. Hinson, Aphex Twin ou MONO, ademáis de seis novos temas de PJ Harvey. Para a presentación do álbum lanzouse o video clip de 'The Crowded Cell' que pecha a banda sonora.