jueves, 31 de marzo de 2016

Où Sont les Femmes? os agradecementos


Non podíamos rematar o mes sen lembrar ás que foron as auténticas protagonistas durante todo o mes de marzo dende a nosa cabina: Sandra, Paula, Marina, Cristina, Uxía, Noa, Cris e Olalla, os nosos agradecementos para as oito encargadas de poñer música tóda-las noites nesta segunda edición do ciclo Où Sont les Femmes?, cada unha coas súas propostas ben diferenciadas para consequir toda esa variedade que pretendiamos cada semana. 
Moitísimas gracias a todas. Unha auténtica marabilla e todo un pracer! 
Exitazo unha vez máis!!
A algunhas delas poderedes escoitalas noutras ocasións do ano no Rif-Rock, pero teredes que esperar ata o próximo ano para xuntalas a todas con este formato tan especial, repetiremos seguro.
E xa tedes unhas cantas sesións subidas no blog, pero seguro que a próxima semana nos chega algunha máis para compartir, seguide atentos...


SCARY MONSTERS. o concerto

O sábado tivemos unha desas noites especiais que ocurren no Rif-Rock cando se xunta toda esta panda de artistas que deron forma ós Scary Monsters.

A homenaxe a Bowie foi proposta polos propios músicos, así que nós somentes puxemos o local á súa disposición, sabendo que o restultado iba a ser estupendo. Nunhas cantas semanas se xuntaron ata 10 dos nosos amigos habituais da banda da casa para montar o espectáculo, e con só uns cantos ensaios xa estaban listos para montar o noso particular tributo a Bowie: RifRocKerZ from Mars!

O repertorio do show pasou polos seus álbumes entre finais dos 60s e comezos dos 80s: Blue Jean, Oh You Pretty Things, Heroes, Lady Stardust, Rebel Rebel, The Jean Genie, The Man Who sold the World, Ziggy Stardust, Five Years, Space Oddity, China Girl, Moonage Daydream, Rock'n'Roll Suicide, Life on Mars, Modern Love, Ashes to Ashes e para rematar Starman.

Coma sempre, gracias a todos por achegarvos ó Rif-Rock unha noite máis para desfrutar da música en directo, e montar a festaza que tivemos o sábado, e sobre todo estes cracks que o fixeron posible: Isidro Dozo, Quique Barreiro, Pîti, Miguel Costas, Victor Karallada, David Falcón, Rubén Iglesias, Kevi Aragunde e Noa Castro, e tamén claro a Karlos Abal que non puido chegar non último momento. Xa dixen polas redes que o Rif-Rock non sería o mesmo sen vós!! 

Xa tedes todo o concerto subido nas anteriores entradas (pt1 - pt2 - pt3 - pt4) ou todo seguido en lista de reprodución:





Scary Monsters (concerto pt1)


Scary Monsters (concerto pt2)


Scary Monsters (concerto pt3)


Scary Monsters (concerto pt4)


miércoles, 30 de marzo de 2016

9 abr: Chief Bromden!

Primeira data que podemos confirmar xa para abril.
Sábado 9: CHIEF BROMDEN dende a cabina. Be Water!!


martes, 29 de marzo de 2016

Isi Vaamonde & The New School

Este sábado teremos unha nova ocasión para ver en directo a ISI VAAMONDE & THE NEW SCHOOL, coa colaboración de José María Trigo, Anxo Xesteira e Paco Charlín.
Sábado 2 abril. Auditorio de A Xuventude. 18:30h. Entrada libre.


lunes, 28 de marzo de 2016

Chapas do RifRocKerZ from Mars!

As chapas que montou ATDP cos nosos deseños para o RifRocKerZ from Mars!
Chulísimas coma sempre, e por suposto, voaron todas o sábado...


domingo, 27 de marzo de 2016

CHIS PUM & BIMBA POP!


Proxecto Djokovic


SCARY MONSTERS!

Enorme traca final para unha semana estupenda.
RifRocKerZ from Mars, cos nove fenómenos dos SCARY MONSTERS, cousa preciosa, espectacular!! Moitas gracias Piti (felicidades!!), Quique, Isidro, Michi, Victor, David, Rubén, Kevi e Noa, e o meste Karlos (que foi baixa de última hora) que sempre se apuntan á todo o que lles propoñemos e o sempre o convirten en noites únicas!! Non sei que sería o Rif-Rock sen eles...
E gracias a todos por vir! esperamos que o pasárades tan ben coma nós!! 


sábado, 26 de marzo de 2016

esta noite: RIFROCKERZ FROM MARS!!

Esta noite non faltedes ó noso tributo a Bowie!!
Cos SCARY MONSTERS en directo, superbanda montada con tódolos que se apuntaron, e despois sesión Super Creep dende a cabina... e algunha sorpresa máis. Todo dende a media noite, e con puntualidade que esta noite é máis curta!!
RIFROCKERZ FROM MARS! 
Non vo-lo perdades!!


concurso #rifrockerzfrommars

Unha proposta máis para esta noite...
Imos facer unha especie de concurso de fotos coa aplicación MSQRD (Masquerade para Android e para iOS) metédelle o filtro Bowie na vosa cara e compartídea no faceboook, no noso muro, ou coa etiqueta #rifrockerzfrommars para que poidamos seguilas todas... logo haberá premio para a mellor!! 
A ver que sae... animádevos!!


jueves, 24 de marzo de 2016

esta noite: PROXECTO DJOKOVIC!


OSLF?: Proxecto Djokovic + ChisPum&BimbaPop

Esta semana rematamos coa programación especial Où Sont les Femmes?, despois de todo o mes, chegan as últimas dúas entregas do ciclo, desta vez en xoves e venres. En primeiro lugar o xoves 24 teremos ó PROXECTO DJOKOVIC de Noa Castro, e o venres 25 a sesión final, cunha nova sesión de CHIS PUM! acompañada desta vez por BIMBA POP que debuta na nosa cabina. Non vo-lo perdades!


miércoles, 23 de marzo de 2016

DJ (Super Creep)

O sábado 26, no tributo a Bowie, os protagonistas serán a SCARY MONSTERS montada para a ocasión, e despois do seu concerto, dende a cabina sesión Super Creep, a cousa estaba fácil...
O tema para presentalo debería ser o 'Scary Monsters (and Super Creeps)', pero non, temos debilidade por 'DJ', non todo vai a ser o Bowie que imaxinades...


David Bowie "Diamond Dogs"

Esta semana non vos recomendaremos ningún álbum, que entre preparativos e días de festa estaremos moi ocupados, pero si vou a contestar a algo que nos últimos meses nos preguntan: o noso álbum favorito de Bowie.
Non sabería decirvos cal é o álbum que máis me gusta de Bowie, segundo cando me preguntedes, pero tamén vos diría que ningún entraría no meu top, aínda que en todos atopo cousas que me gustan moito, e outras que sempre me sobran. No que seguro que coíncido con moitos e na mellor portada, así que me decido polo álbum que mellor entra polos ollos: o "Diamond Dogs" de 1974. 
O deseño é obra do artista belga Guy Peellaert, que se fixo famoso de xoven como renovador do comic, e se consagrou como deseñador de portadas de discos e posters de películas, da súa man saíron cubertas para álbumes de Bowie, dos Rolling Stones, carteles para Scorsese, Wenders ou Altman entre outros moitos. O seu deseño para o "Diamond Dogs" é sinxelamente espectacular, tanto como controvertido foi na súa época, xa que na versión orixinal estaban a vista os xenitais, que logo quedaron en negro. Aínda que sí existe unha tirada limitada con esa cuberta, que por suposto a día de hoxe é a máis cotizada de toda a súa discografía.

DAVID BOWIE "Diamond Dogs"
(RCA, 1974)




Ziggy Stardust Comic

Isto xa é vello, e non é un comic en realidade, sómentes a portada de algo que nunca se fixo. No 2010 Comics Alliance lanzou unha serie de deseños titulada The Comics Alliance Mixtape, no que os seus ilustradores seleccionaban os seus temas favoritos e imaxinaban as portadas se puidesen converterse nun comic.




Semana Santa no Rif-Rock

Comeza a Semana Santa, e coas vacacións abriremos de mércores a sábado, coas últimas entregas do ciclo Où Sont les Femmes? e a noite de homenaxe a Bowie que vos temos preparada para o sábado:

- mércores 23: estaremos de volta co horario habitual
- xoves 24: PROXECTO DJOKOVIC (sesión OSLF?)
- venres 25: CHIS PUM & BIMBA POP! (última sesión de OSLF?)
- sábado 26: RIFROCKERZ FROM MARS! Un tributo a Bowie.
   coa superbanda SCARY MONSTERS en directo + sesión Super Creep!

Non vo-lo perdades!!


martes, 22 de marzo de 2016

OSLF?: sesión de Nani Gonzáles

Aquí tedes unha boa selección que nos envía Nani Gonzáles da súa sesión do sábado pasado no ciclo Où Sont Les Femmes?. Metédelle volume!.

Nani Gonzáles "OSLF?"
(sesión Rif-Rock 19 marzo 2016)


OSLF?: sesión de Marinocha

Aquí tedes unha parte da sesión de Marinocha do sábado anterior (12 marzo) no ciclo Où Sont Les Femmes?. Algo máis de media hora chea de riotgrrrl. 
Metédelle volume!.

Marinocha Über Alles! "OSLF?"
(sesión Rif-Rock 12 marzo 2016)


lunes, 21 de marzo de 2016

RifRocKerZ from Mars!


Sáb.26: RifRocKerZ from Mars! un tributo a Bowie

E o sábado remataremos a semana por todo o alto:
RIFROCKERZ FROM MARS! UN TRIBUTO A BOWIE
Unha noite ben completa, cos SCARY MONSTERS en directo, superbanda montada para a ocasión e que non para de crecer, e depois sesión Super Creep dende a cabina. 
Será o sábado 26 de marzo, todo dende as 23:45h, e algunha sorpresa máis...
Non vo-lo perdades!!



últimas entregas de Où Sont les Femmes?

Esta semana rematamos coa programación de Où Sont les Femmes?. As últimas dúas entregas serán o xoves 24 con PROXECTO DJOKOVIC de Noa Castro, e o venres 25 pechamos o ciclo con CHIS PUM & BIMBA POP!Non vo-lo perdades!!


viernes, 18 de marzo de 2016

jueves, 17 de marzo de 2016

The Heavy "The House that Dirt Built"

O mes pasado vos recomendabamos o debut dos británicos The Heavy, mentres agardamos polo lanzamento do seu novo álbum previsto para abril. Hoxe volvemo á súa discografía para recomendarvos o seu segundo traballo, o que máis me gusta: "The House that Dirt Built" do 2009, non é o máis equilibrado, por que diso non teñen ningún, pero quizáis sexa por que é o que ten máis referentes directos nos 60s e nos 70s, aínda que seguían con esa fusión case imposible de estilos, neste álbum todo é moito máis directo, funk rock esaxerado, soul e rhythm'n'blues. Dende o cañonazo inicial 'Oh! No! Not you again!', a intensidade de 'How you like me now?', ou o ritmo de 'No Time', e tamén pezas máis delicadas coma 'Short change hero' ou 'Stuck'. E seguro que coñecedes moitos destes temas por que están fusilados en ducias de películas... e a seguir agardando polo seguinte.

THE HEAVEY "The House that Dirt Built"
(Counter Records, 2009)



Charles Bradley "Changes"

Aquí está un dos discos máis agardados da tempada.
O novo traballo de Charles Bradley para Daptone Records, unha das figuras fundamentais do funk soul actual. 
Este novo álbum leva por título "Changes" e inclúe o 7'' que lanzara xa no 2013 polo Record Store Day, que contiña o propio tema 'Changes', unha versión dos mesmísimos Black Sabbath en clave soul, con The Budos Band como banda de acompañamento, e con aquela portada que emulaba ó propio single dos de Osbourne e compañía, e na cara b aparecía a tremenda 'Ain't It a Sin' desta vez xunto con The Bullets, que tamén aparece no álbum, e ademáis é do mellor que lle teño escoitado (no video de abaixo o tedes nunha sesión acústica). Ademáis destes dous temazos xa coñecidos, cousas moi espirituais como a inicial 'God Bless America', a intensidade habitual en 'Good to be Back Home', 'Ain't Gonna Give it Up' ou 'Crazy for your Love', e a contundencia política en 'Change for the World'. Discazo!

CHARLES BRADLEY "Changes"
(Daptone Records, 2016)


miércoles, 16 de marzo de 2016

OSLF?: sesión de Pau Pau a Go-Gó!

Aquí tedes unha parte da sesión de Pau Pau do venres pasado no ciclo Où Sont Les Femmes?. 50's, doo wop, rockabilly, hot rod, rhythm'n'blues, garage... 
de todo en 47 minutos! Metédelle volume!.

Pau Pau a Go-Gó! "OSLF?"
(sesión Rif-Rock 11 marzo 2016)



martes, 15 de marzo de 2016

Sáb.26: RifRocKerZ from Mars! un tributo a Bowie

Xa queda menos!
RIFROCKERZ FROM MARS! UN TRIBUTO A BOWIE
Unha noite ben completa, cos SCARY MONSTERS en directo, superbanda montada para a ocasión e que non para de crecer, e depois sesión Super Creep dende a cabina. 
Será o sábado 26 de marzo, todo dende as 23:45h, e algunha sorpresa máis...
Non vo-lo perdades!!


Dead Wood no KSF Studio

O sábado pola mañá estivemos no KSF Studio da Illa de Arousa, con Victor Karallada e os Dead Wood para colarnos nas sesións de gravación do seu próximo traballo. 
Tamén hai moitos videos e audios, pero para iso aínda non temos permiso...














lunes, 14 de marzo de 2016

venres e sábado: Lila Eléctrica & Nani Gonzáles

O próximo fin de semana teremos outras dúas entregas de Où Sont les Femmes?. O venres 18 o debut de LILA ELÉCTRICA, e o sábado 19 o retorno de NANI GONZÁLES! Non vo-lo perdades!!


jueves, 10 de marzo de 2016

Où Sont les Femmes?: Pau Pau & Marinocha

Este fin de semana continuamos coa programación especial Où Sont les Femmes?, despois da sesión inaugural de Samy Snake do sábado pasado, o que resta de mes xa teremos dúas entregas por semana. 
Este fin de semana Pau Pau a Go-Gó! e Marinocha Über Alles! 
Non vo-lo perdades!


Compulsive Gamblers "Crystal Gazing Luck Amazing"

Hai unhas cantas semanas nos fixemos con esta xoia dos Compulsive Gamblers, así que ahí vai unha recomendación máis para esta semana.
Os Compulsive Gamblers formáronse en Memphis a comezos dos 90s, e ahí estaban Greg Cartwright e Jack Yarber, xunto con Bushrod Thomas, Fields Trimble e Greg Easterly na súa primeira formación, unha banda de garage, punk e blues eléctrico, unha auténtica bomba de lixo a toda velocidade! Con só dous 7'' lanzados Greg Cartwright e Jack Yarber formaron The Oblivians en 1993, e finalmente rematou por converterse na súa banda principal, ademáis de outros proxectos que levaron a cabo cada un pola súa conta, pero os Compulsive Gambler seguiron rexurdindo en varias ocasións segundo os períodos de inactividade dos Oblivians. Debutaron en longo en 1995 con "Gambling Days Are Over", volveron no 99 co "Bluff City", e no 2000 continuaron con este "Crystal Gazing Luck Amazing" que foi o seu último álbum de estudio ata o momento, e no que xa estaba conformado o seu característico son de calqueira dos seus proxectos neses anos, garage punk acelerado, blues eléctrico de alto voltaxe e esas voces tan características que seguen servindo para todo. Con esas propostas bipolares que supoñen 'The Way I feel about you', 'Pepper Spay Boogie' ou 'Negative Jerk' por unha banda, e 'Stop & think it Over', 'I'm that Guy' ou 'Your Hapiness' pola outra. Discazo!! Algún día volverán...

COMPULSIVE GAMBLERS "Crystal Gazing Luck Amazing"
(Sympathy for the Record Industry, 2000)