Sáb.11 abril: DEAD WOOD en concerto

O próximo sábado 11 de abril volverá a música en directo ó Rif-Rock!! 

Os protagonistas serán DEAD WOOD, que nos escollen para estrearse en directo co seu show de dark country e western blues, dende as cinzas dalgunhas das nosas bandas favoritas (aínda non sabedes de que vai a cousa?). 
Sábado 11 de abril dende as 23:45h., e coma sempre con entrada de balde. 

Por suposto 100% recomendado. Non vo-lo perdades!!

Où Sont les Femmes?

Rematou a programación especial de marzo 'Où Sont les Femmes?' e quedamos con gañas de moito máis. Un mes no que contamos cada fin de semana con cinco das nosas mellores amigas facéndose cargo da música do Rif-Rock dende a nosa cabina. Repetiremos seguro!! e xa avisamos que non imos agardar ata marzo do ano que ven eh??

Polo momento só está subida a sesión de Chis Pum! do día 14, pero nas próximas semanas subiremos algunha máis das que nos deixaron. Prometido.

GastrotecaSCQ

Ahí vai unha de publicidade pura e dura:

Xa vos temos recomendado a Gastroteca SCQ de Compostela, noutras ocasións, a nosa tenda de productos galegos favorita. 

Seguro que xa a coñecedes! 

Pois esta semana acaban de lanzar a súa propia aplicación para móbiles, polo momento só para Android, pero en breves datas tamén dispoñible para IOS.

Inclúe tódo-los servizos da súa web: o seu catálogo de productos, ofertas da semana, toda a info do seu GastroClube, ademáis de localizador, contacto directo con eles e demáis. 
Descargádea no Play Store.

Para o demáis tedes a web da GastrotecaSCQ e o seu facebook.

programación Abril2015

Aquí vai o que xa temos listo para Abril2015 no Rif-Rock.

Despois da programación especial de marzo, volven as sesións de basura mesturada de Munstaphà, tamén recuperamos o ritmo da música negra coas Black Grooves a finais de mes. E o máis importante, retomamos a música en directo no Rif-Rock, o prato forte será o sábado 11 cós DEAD WOOD como protagonistas, que se estrean co seu western blues de baixa fidelidade en directo. Non vo-lo perdades!
E ademáis, en Semana Santa de mércores a sábado no horario habitual.

· Venres 3 abril: Trash Trash Trash

· Sábado 11 abril: DEAD WOOD en concerto!! dende as 23:30h.

· Venres 24 abril: Fuck'U Whiteys... Black Grooves!!

Ven.24 abril: Black Grooves!

Ven.3 abril: tRASH tRASH tRASH

Ben Harper & Innocent Criminal no Fillmore SF

Ben Harper volve de xira cos Innocent Criminals, e onte mesmo deixou no seu facebook este agasallo para os fans: o directo dos seus concertos da semana pasada no Fillmore de San Francisco. Descarga de balde, dispoñible só 24h. cada un. Para o do venres 27 picade directamente aquí. E seguide atentos polo seguinte.

Pau Pau a GoGó!

Noa Proxecto Djokovic

esta noite Pau Pau a GoGó!

esta noite Proxecto Djokovic!

Où Sont les Femmes?

Seguro que todos quedamos con gañas de máis, pero a programación especial de marzo Où Sont les Femmes? chega ó seu final esta fin de semana. 
Para rematar dúas propostas ben interesantes:
· Venres 27: PROXECTO DJOKOVIC
· Sábado 28: PAU PAU A GOGÓ!

Non vo-lo perdades!!

The Kinks "Kinda Kinks"

Neste tempos se cumpren 50 anos do lanzamento de moitos dos nosos álbumes favoritos. O que queremos lembrar hoxe é o "Kinda Kinks", segundo traballo que publicaron The Kinks. Foi lanzado orixinalmente o 5 de marzo de 1965 no Reino Unido, e gravado en só un par de semanas tra-lo éxito do seu debut, nesa edición orixinal se incluían 12 temas, todos compostos por Ray Davies, agás 'Got me Feet on the Ground' co seu irmán e dúas versións de Marvin Gaye ('Dancing in the Street') e Jay West ('Nagging Woman'), ademáis de temazos de r'n'b coma 'Wonder where my Baby is Tonight' ou dos seu característico beat como 'Come on Now', 'You shouldn't be Sad' e o exitado deste álbum 'Tired of waiting for you'. Ese mesmo ano aínda lanzarían o "Kwyet Kinks EP" e o "Kinks Kontroversity" en novembro. Por suposto en un par de meses se lanzou tamén a versión para os USA, con tracklist distinto, sustituíndo algúns temas polos seus últimos singles. Amiudo se considera un álbum menor da súa primeira época, polas declaracións dos irmáns Davies nas que sempre din que non quedaran moi satisfeitos coa producción. E aínda así, un discazo para a historia!.

THE KINKS "Kinda Kinks"

(Pye Records, 1965)

The Jon Spencer Blues Explosion "Freedom Tower"

Volve Jon Spencer, xunto con Bauer e Simins, volve a Blues Explosion! O seu momento pasou hai bastante tempo aínda que sigan volvendo unha e outra vez, basta con ollar a portada para comprender que algo está moi desfasado nesas cabezas, pero con isto non vos estamos desaconsellando este "Freedom Tower" (que leva por subtítulo No Wave Dance Party 2015). É un álbum nostálxico, como de reafirmación, no que reproducen tódo-los seus standards, ticks cambios e xogos dos seus mellores álbumes de mediados dos 90s. Se o comparamos cos seus útlimos traballos, é unha volta decidida ó son JSBX!, cando lle deamos máis tempo igual lle atopamos menos sentido neste momento, pero de primeiras entra coma una cañonazo. 
Xa nos diredes se vos convence.

THE JON SPENCER BLUES EXPLOSION "Freedom Tower"

(Mom & Pop, 2015)

Damaged Bug "Hubba Bubba"

Ollando a lista de próximos lanzamentos, o 2015 preséntase máis que interesante, o inquedo John Dwyer é dos que alomenos teremos por partida dobre, unha vez anunciado o lanzamento do novo álbum de Thee Oh Sees, e do seu último proxecto/xoguete en solitario Damaged Bug. Así que esta semana estivemos repasando os seus últimos traballos, sobre todo hipnotizados por este "Hubba Bubba" ó que tiramos do seu álbum do ano pasado non lle prestamos moita atención. Foi o primeiro lanzamento como Damaged Bug cando parecía que a súa banda principal non continuaba, pero non busquedes moitas semellanzas. Moita cacharrería analóxica para un álbum divertido de baixa fidelidade, con esas melodías características de Dwyer, con cambios continuos e rítmicas machaconas. Coma os álbumes dos seus inicios pero moito máis elaborado. Para quedarse hipnotizado un bo rato mentres agardamos polo que nos traerá este ano.

DAMAGED BUG "Hubba Bubba"

(Castle Face, 2014)

Sáb.11 abril: DEAD WOOD en concerto!

Un adianto para abril: DEAD WOOD en concerto!
Outro proxecto que escolle o Rif-Rock para a súa estrea. 
Xa vos daremos máis info nos próximos días, apuntade a data: 11 de abril.

Alipio "Despues del Final"

A Alipio Santiago o coñecedes todos de ter participado en diversas bandas da comarca e algún que outro proxecto efímero que actuou en directo no Rif-Rock.

Agora no 2015 chegoulle o momento de achegarnos os seus propios temas, e aquí está "Después del Final" un álbum autoeditado, con 10 cortes de rock industrial, con capas e capas de guitarras que lle aumentan intensidade, letras en castelán, e no que o propio Alipio de encarga de case todo: composición de música e letras, voces, guitarras e baixo. Todo gravado nos estudios Planta Sónica de Vigo coa participación de 'Niño' Bruno na batería e Alfredo Susavila no piano, e masterizado por Fred Kevorkian nos seus AVatar Studios de NYC.

Xa o tedes dispoñible no seu bandcamp, e dende hai un par de semanas tamén o podedes mercar o Rif-Rock por só 4€.

ALIPIO "Después del Final"

(autoeditado, 2015)

sesión de Chis Pum!

Aquí tedes case unha hora da sesión de Chis Pum! da semana pasada.

CHIS PUM! "Sesión Où Sont Les Femmes?"

(sesión Rif-Rock 14-03-2015) 

faite coa sesión de Chis Pum aquí.

'Où Sont les Femmes?' chega o seu fin

Xa solo nos queda por diante o último fin de semana de 'Où Sont les Femmes?' con dúas entregas máis que interesantes: 

· Venres 27: PROXECTO DJOKOVIC 

· Sábado 28: PAU PAU A GOGÓ! 

Non vo-lo perdades!!

Marinochademalahostia!