MOndo RIFPOP: VAMPIRA!!!

Nova entrega de Mondo RifPOP, esta vez adicado a Maila Nurmi, eternamente coñecida como Vampira, presentadora do Horror Show "The Vampira Show"
e musa incondicional de Ed Wood.

Todo comezou como por casualidade, en 1953, cando Maila Nurmi, finlandesa se presentou nunha das máis famosas festas de disfraces de Hollywood caracterizada como o personaxe de Morticia pero aportándolle moitos rasgos novedosos e que a identificarían para sempre. Deulle un aire de vampiresa e aristócrata que a matriarca da familia Adams (por aquel entón era un comic) non posuia, metade vampiro metade fantasma, e un surrealista sentido do humor con continuas bromas macabras que fixeron que varios productores puxeran a vista nela.

De inmediato Hunt Stromber a contratou para presentar un programa no Canal 7 chamado "The Vampira Show" no que presentaba películas de terror e ciencia ficción. Dende entón converteuse nun persoaxe moi popular, que se codeaba coas máis grandes estrela do cinema como Maron Brando ou James Dean. Sen embargo o programa comezou a decaer.

Foi entón cando Ed Wood a contratou para aparecer en "Plan 9 from Outer Space" de 1958, xunto cun acabadísimo Bela Lugosi. Por suposto, participar en filmes de tan baixo presuposto e de factura tan cutre foi o seu suidicidio profesional, sen embargo, quizáis non tiña outra opción.

Terminou por convertirse nunha estrela da serie B (si no cutre hai estrelas, sen dúbida ela foi unha delas...) con filmes como "Sex Kittens go to College" e nos sucesivos intentos por refacer filmes inspirados en guións inéditos de Ed Wood.

Dende logo nunca máis volveu ter fama e por suposto sempre seguíu ligada á figura pouco afortunada de Ed Wood... pero será lembrada polo seu papel de Vampira no seu Horror Show, no que acadara o rango de mito sexual para sempre.

Morreu este mes de xaneiro de 2008 ós 85, pero de seguro que volverá sair da tumba unha vez máis!!!

Para toda a información consultade a súa web:
Vampira's Attic

i eu vos deixo con un par de videos: