Un pouco de Revival!!
Imos oito anos atrás, porque xa botamos de menos aquelas tolas noites de Tomás DjChoeu, Ramón NewRa e Carlos Casiopeo.
Hoxe imos lembrar unha das máis especiais.
Imos ata o 2009, a noite K7!!
Poucas veces coincidiron estes tres no mesmo cartel, pero aquela foi unha desas ocasións: DjChoeu e NewRa pinchando cassettes toda a noite, e en medio, un par de pases do show en directo de Casiopeo, naquela ocasión chamado KOSALA MICOSA (xa sabedes que nunca repetía nome, e apenas repertorio).
Tamén podedes botarlle un ollo ao artigo na prensa de anuncio (ver ampliado aquí).
Foi unha sesión irrepetible, un alarde de retro-tecnoloxía de DjChoeu e Newra, además de unha selección musical tremenda, pero iso xa estaba por descontado con estes dous.
Os pases en directo de Kosala Micosa, xa sabedes, indescriptibles. Dous teclados, pedaleiras de efectos e letras case sempre improvisadas, se saía ben á primeira estupendo, e senón tamén...
Foi o 7 de marzo do 2009, xa hai 8 anos!
De mostra deixámosvos dous videos, un da actuación de Kosala Micosa, o seu hit de aquel mes 'Meu Odio', e un video de DjChoeu e NewRa aos mandos dos contadores de revolucións. Pero podedes repasalo todo seguindo esta etiqueta.
Tremenda a quela noite K7!
No hay comentarios:
Publicar un comentario