[Revival Rif-Rock] Casiopeo 'Blue Monday'

Unha semana coma esta, máis ou menos, de hai cinco anos tiñamos o pracer que presentarvos o primeiro show de Casiopeo no Rif-Rock. Logo coñecido como Kosala Micosa, máis tarde como Penereto Peronoretto... pero sempre en compañía das sesións de DjChoeu. 
Despois chegaron sesións en k7, en vinilo, de funk, de covers... e unha morea de temas propios inesquecibles saídos da factoría dadá de Carlos Casiopeo, o auténtico mestre do lo-fi. 
Aquela primeira noite, horas despois de ter rematado o seu show, de repente colocouse diante dos seus trebellos para ofrecernos este 'Blue Monday' de New Order. Foi o 15 de marzo do 2008...