The Even Flow Experience 'Even Flow'

Xa estamos editando con calma os videos do concerto de The Even Flow Experience, así que aproveitamos para deixarvos unha de adianto.

Aquí vai o seu cover de 'Even Flow', coa que remataron o seu show.

este venres presentación do Xuven 2014-15

O Club Xuventude Baloncesto de Cambados arranca este sábado unha nova tempada en LEB Plata, pero antes teremos unha festa de presentación como se merece. 

Será o Venres (3 de outubro) no Parque de Torrado dende as 22:00h.

Coa presentación da plantilla amenizada polos locutores de Arousa Si Radio Salnés e os djs de Conexión Dance, e coas actuacións en directo das bandas de ex-xogadores THE SHARKNADOOS e LOS WAVY GRAVIES!! 

Non vo-lo perdades!! e por suposto... ABÓNATE!!!

Ian Svenonius "Estrategias sobrenaturales para montar un grupo de rock"

Se seguides este blog, xa sabedes da nosa devoción por Ian Svenonius, en calqueira das súas facetas. Pero desta vez non vos recomendamos outro dos seus discos, senón o seu último libro "Estrategias sobrenaturales para montar un grupo de rock", publicado orixinalmente o ano pasado ("Supernatural Strategies for Making a Rock'n'Roll Group" Akashic Books, 2013) e estamos encantados de que xa se publique por aquí da man de Blackie Books.

No seu debut discográfico cos Nation of Ulysses, Svenonius xa nos propoñía un manifesto de 13 puntos para destruir América ("13-Point program to destroy America" Dischord Recs, 1991) inspirado no Programa dos 10 Puntos do Black Panther Party. Tamén podemos recuperar o seu anterior libro "The Psychic Soviet" (Drag city Press, 2006) que recopilaba moitos dos seus artigos dispersos en diferentes medios, e no que xa nos presentaba a dualidade marxista entre o stalinismo industrial dos Beatles e o maoísmo agrario dos Rolling Stones. 

Mentres agardamos polo seguinte álbum de calqueira dos seus proxectos, nos chega este "Estrategias sobrenaturales para montar un grupo de rock", un novo manifesto dividido en dúas partes. Na primeira fai un repaso pola historia do rock, ríndose de tódo-los mitos e cunha chea de anécdotas coas que denuncia unha vez máis o absurdo da industria, dende ese punto de vista da política de bloques da Guerra Fría, resulta brillante!!. Na segunda parte na se mete no programa didáctico do asunto, dende como facer fotos promocionais, ata os dobles sentidos das letras e da vestimenta. E para rematar un repaso á escena indie actual... puro delirio, botaredes horas sen parar de rir. Sen dúbida do máis entretido en moito tempo.

E por suposto Svenonius non se puido resistir a compoñer un tema promocional.

Ver o libro na web de Blackie Books.

Ian Svenonius "Estrategias sobrenaturales para montar un grupo de rock"

(Blackie Books, 2014)

Even Flow Experience + Kurco

Pasaron 5 anos... e coma se fora a semana pasada do seu anterior concerto!! 

Menudo show que nos ofreceron The Even Flow Experience. Gracias Manolo e Victor, e a Kurco, ós tres por facelo posible!! por suposto a todos por vir, e a Tania Vidal e Manuel Seixas polos seus temas. 
Nos próximos dias xa iremos subindo fotos, videos e demáis.
E tranquilos que xa estamos preparando máis datas. Even Flow!!!

Sáb.27: THE EVEN FLOW EXPERIENCE en concerto!! + Kurco SoundSystem

Rematamos setembro por todo o alto con música ao vivo, 

e ademáis cun deses shows que nos encanta anunciar:

THE EVEN FLOW EXPERIENCE!!

Sábado 27 de setembro, dende as 23:30h. 

Victor Karallada e Manolo Serantes, que durante moito tempo formaron a banda residente do noso local, e volven 5 anos depois do seu último concerto retomando o seu proxecto acústico no Rif-Rock. Qué ganas de volver a velos!!

E para continua-la noite, seguirá KURCO SoundSystem dende a cabina. 

Un plan perfecto para un sábado noite!!

The Even Flow Experience hoxe na prensa

Hoxe na prensa unha pequena entrevista a Victor Karallada como adianto ó concerto de mañan de The Even Flow Experience, no suplemento Viernes Arousa de La Voz de Galicia. Para ve-lo artigo un pouco máis grande picade aquí.

The Even Flow Experience, posters 2006-2009

Un pouco de revival. Aquí tedes unha escolma de 9 posters dos concertos de THE EVEN FLOW EXPERIENCE no Rif-Rock entre o 2006 e o 2009. 
Houbo algúns concertos máis (algún incluso sen poster), pero con estos xa chega dabondo para fecerno-las gañas... e ó fin este sábado (27 setembro) nos quitaremos a espiña, tras 5 anos de espera, volven ó Rif-Rock en directo!!

Kim Fowley "Outrageous"

E outro álbum que vos recomendamos esta semana, pero desta vez un clasico da nosa lista de favoritos. 

Noutras ocasións xa vos temos recomendado traballos de Kim Fowley, un deses personaxes imprescindibles da historia da música, en tódolos apartados posibles como músico, productor ou compositor en infinidade de bandas, proxectos e álbumes imposibles de enumerar. 

O outro día nos pedían un álbum de Fowley polo que comezar, e sen dúbida saiu o "Outrageous" de 1968. Primeiro por que contén algúns dos seus temas máis coñecidos como 'Animal Man', 'Bubblegum' ou 'Nightrider', pero tamén é un álbum axitador de conciencias, e disparatado coma poucos nas súas letras. Ademáis é todo un atrevimento no musical, garage, blues psychodélico, proto-punk, pioneiro do glam, e incursións na rítmica funk, todo cheo de berros, eruptos e tramos recitados sen melodia algunha. Cara o final, a suit delirante coas tres pezas de 'Up - Caught in the Middle - Down' que non ten desperdicio. 

Ten outros álbumes que me gustan máis, pero este é unha provocación brillante que sigue sonando xenial. Un imprescindible!

KIM FOWLEY "Outrageous"

(Imperial Records, 1968)

continúa o Outono Códax Festival

Este fin de semana continúa o Outono Códax Festival en Compostela. 

O Sábado 27 segunda noite con The Absenters, e a gran Irma Thomas!!
Toda a info en OutonoRock.com

White Fence "For the Recently Found Innocent"

Debo recoñecer que sigo máis a White Fence (alter ego de Tim Presley) dende que publicou xunto con Ty Segall aquel "Hair" no 2012 (Drag City), e a súa carreira enterior con bandas, ou en solitario, me decía ben pouco. Dende entón lle presto máis atención pero segue a parecerme demasiado irregular, coma se o formato lp se lle fixera demasiado longo, aínda que sempre ten temas que enganchan. Con este "For the Recently Found Innocent" semella que cambia algo o rumbo, continúa co tipo de melodias que lle gustan pero cambia moito a producción, moito máis limpia, con son moito máis sesentero, máis folk que garage, menos electrico e cecais moito máis rico en matices. Dende o single 'Like That', ata case o final con 'Raven on White Cadillac' me parece o máis aproveitable dos seus discos, aínda que lle teremos que dar unhas cantas escoitas máis, pero xa aviso que bastante distinto...

White Fence "For the Recently Found Innocent"

(Drag City, 2014)

Les Big Byrd "They Worshipped Cats"

Esta semana tamén vos recomendamos un par de novidades. De primeiro o álbum de debut de Les Big Byrd, unha banda sueca de rock psychodélico, que tra-la boa acollido do seu primeiro ep, foron producidos por Anton Newcombe (The Brian Jonestown Massacre) para o seu selo A Records, e que ademáis colaborou na composición de dous temas coa banda, e nos que tamén intervén na gravación. 

Este "They Worshipped Cats" contén 9 temas de space-rock, pysch, e moita base kraut, con sintetizadores, que alternan o protagonismo cos riffs das guitarras. Aínda que algún tema sobra para o meu gusto, solo con 'Tinnitus Ætérnum', '1,2,3,4 Morte' e 'They Worshipped Cats' xa paga a pena a recomendación.

O da portada xa é para darlle de comer a parte...

Les Big Byrd "They Worshipped Cats"

(A Records, 2014)

15º Aniversario. Repásao todo!!

Despois de varias semanas na que algúns nos seguen a pedir discos do 15º Aniversario do Rif-Rock, non está de máis repetirvos que están esgotadísimos dende a fin de semana que os sacamos, pero dende hai un par de semanas xa o tedes dispoñible para descarga directa como calqueira das nosas sesións. Pero xa que estamos aproveitamos para recomendarvos que repasedes todo o material do noso 15º Aniversario, concertos e demáis. 

O venres 11 de xullo comezamos coa nosa programación especial, co debut en directo dos NORTHERN LIGHTS. Podedes repasar todo o seu concerto acústico nesta entrada.

O Sábado 12 de xullo, chegaba o prato forte, era o turno dos BREAKIN' BONES que volvían ó Rif-Rock co seu espectacular show de psychobilly. Podedes voltar a ver todo o seu directo nesta entrada.

E por último vos queda o recopilatorio do noso 15º Aniversario, podedes descargalo aquí.

Podedes repasa-lo todo en calqueira momento seguindo a etiqueta 15º Aniversario deste blog e xa sabedes, o próximo ano máis...

descarga sesión de Marinocha

E outra sesión máis que subimos esta semana. 
Con un pouco de retraso aquí vai o que nos deixou Marinocha da súa sesión de principios de mes... menudos cañonazos todos seguidos!! Über Alles!!

Marinocha Über Alles

(sesión Rif-Rock 6 set.2014)

faite coa sesión Marinocha Über Alles aquí.

descarga Black Grooves!

Aqui tedes unha sesión un pouco máis longa do habitual da sesión do venres das Black Grooves!! 25 temas de funk, soul & Rhythm'n'blues!! Metédelle volume!!

Psych.Munstaphà "Fuck'U Whiteys... Black Grooves!!"

(sesión Rif-Rock 19 setembro 2014)

faite co volume 24 das Black Grooves!!

na prensa seria... Revista YES.

Onte Loreto Silvoso nos citaba no seu artigo sobre garitos para a Revista YES dos fins de semana de La Voz de Galicia, entre os locales nos q a música é o máis importante. E a foto enviouna OscarTK. 
Para velo a un bo tamaño e poder leelo, picade aquí.

o próximo sábado... THE EVEN FLOW EXPERIENCE!

Xa solo falta unha semana. o próximo sábado (27 de setembro), volve a música en directo ó Rif-Rock!! THE EVEN FLOW EXPERIENCE en concerto. 

E despois, sesión de Kurco SoundSystem!! Non vo-lo perdades.

esta noite... Black Grooves!!

James Brown "Live at The Apollo"

A recomendación para quentar cara a sesión de mañan vai a ser un auténtico clasicazo. Tódalas veces que vos recomendamos álbumes de James Brown sempre foron bandas sonoras de filmes blaxploitation, así que xa tocaba recomendarvos un dos seus grandes clásicos. "Live at the Apollo" é sen dúbida un dos mellores álbumes en directo da historia. Foi gravado no Apollo Theatre de Harlem en outubro de 1962, con James Brown acompañado polos Famous Flames (conxunto co que comezou o propio Brown nos anos 50s). Tra-la intro arranca co 'I'll Go Crazy', 'Think', idas e voltas cos medleys de 'Lost Someone' e 'Please please please', para rematar co 'Night Train'. Puro ritmo explosivo!! un imprescindible nas vosas coleccións.

JAMES BROWN & THE FAMOUS FLAMES "Live at the Apollo"

(King Records, 1963)

Mud Morganfield "The Blues Is In My Blood"

Este é un disco que levo meses querendo compartir con vós. É do ano pasado, pero coma se fora un clasicazo de toda a vida. O nome de Mud Morganfield seguro que non vos di nada, pero é o fillo máis vello do mítico Muddy Waters, así a cousa cambia, pero non pensedes que leva toda a vida tocando coma unha estrela, de feito comezou a tocar en público nos anos 80 despois da morte do seu pai, e non publicou o seu primeiro álbum ata o 2008 con máis de 50 anos, chamábase "Fall Waters Fall" e vaia se triunfou. Naquel mesmo ano gravou este directo, na Royal Yacht Hotel, na illa de Yersey (UK), e de aquí sae este "The Blues is in my Blood" que son 10 temas do seu pai, 10 clasicazos de Muddy Waters, interpretados ó estilo máis purista. Recomendado!!

Mud Morganfield "The Blues Is In My Blood"

(Blue Filth Records, 2013)

Shellac "Dude Incredible"

De entre os lanzamentos que nos foron chegando esta semana, hoxe vos recomendamos o novo álbum de Shellac. Sete anos despois, tra-lo "Excelent Italian Greyhound" (2007) e logo de varios anos de silencio ata que hai un par de anos comezaron a xirar conmemorando o seu 20 aniversario. 

E así sen querelo o trio de Steve Albini, Bob Weston e Todd Trainer, entregan este novo "Dude Indredible" que foron gravando esporádicamente ó longo dos últimos anos. Son 9 temas nesta nova entrega da súa fórmula, math rock, post hardcore, como queirades, pero sonan coma nunca. Potente, hipnótico, con rítmica contundente e coa importancia que sempre lle dan ós silencios. Discazo de retorno.

SHELLAC "Dude Incredible"

(Touch and Go, 2014)

Muerte por Pixel!!

Continuamos coa campaña de spam do novo enxendro de Comomepós Produccións. Chámase MUERTE POR PIXEL!! próximamente en concerto no Rif-Rock!! 

xa vos seguiremos informando...

descarga tRash Tra$h trAsH #10

Dende febreiro sen sesións da serie tRash Tra$h trAsH, e ó fin nos desquitamos o pasado venres. Aquí tedes unha hora de basura punk e new wave mesturada. 

Psych.Munstaphà "tRash Tra$h trAsH #10"

(sesión Rif-Rock 12 set.2014)

faite con trash#10 aquí.

arranca o Outono Códax Festival

Esta semana comeza unha nova edición do Outono Códax Festival en Compostela. O sábado (20 set) será a primeira entrega de música en directo con The Lákazans, TT Syndicate e Sonny Knight & The Lakers. 
Pero esta mesma tarde arranca todo o programa coa inauguración da exposición de Fausto Isorna, cos seus traballos para o Rock Parrulo na Sala Nasa a mediados dos anos 90, e os seus máis recentes POPtraits. 
Na Fundación Granell dende as 20:00h, e tamén con música en directo...
Toda a info en OutonoRock.com

Sáb.27: THE EVEN FLOW EXPERIENCE!!

E a próxima semana rematamos o mes por todo o alto con música ao vivo. 

E ademáis vai a ser un deses shows que nos encanta anunciar:
THE EVEN FLOW EXPERIENCE!!
Sábado 27 de setembro, dende as 23:30h. 

Victor Karallada e Manolo Serantes, que durante moito tempo formaron a banda residente do noso local, e volven 5 anos depois do seu último concerto retomando o seu proxecto acústico no Rif-Rock. Qué ganas de volver a velos!!
E para continua-la noite, seguirá KURCO SoundSystem dende a cabina. 
Un plan perfecto para un sábado noite!!

Ven.19: Fuck'U Whiteys... Black Grooves!

o que queda de setembro...

Aínda nos quedan un par de cousas neste mes de setembro:

Este venres 19, outra entrega da serie Fuck'U Whiteys... Black Grooves!

E o sábado 27, o prato forte do mes, volve a música en directo ó Rif-Rock, desta vez co regreso 5 anos despois do dúo THE EVEN FLOW EXPERIENCE e a sesión de Kurco SoundSystem! non vo-lo perdades!

The Limboos "Big Chef"

A semana pasada compartiamos a saida do novo single de The Limboos "Big Chief" e a estrea do seu videoclip en exclusiva na web de rtve.es. Pois xa o tedes en youtube por si o queredes ver máis cómodamente, compartir e demáis...

E lembrade, o álbum sae o 1 de outubro!!

hoxe: Entroido de Verán en Alfredo Brañas

esta noite... Trash Trash Trash!

The Revillos "Bongo Brain"

Algún leva un par de semanas preguntando se o cartel da sesión de mañán da serie Trash Trash Trash! ten a Henry Rollins como protagonista, o certo é que se parece moito, pero para o cartel empregamos a portada do single "Bongo Brain" dos escoceses The Revillos, unha das bandas fundamentais na transición dos 70 ós 80, e tamén unha das maís divertidas. Este 7'' é de 1982, coa propia 'Bongo Brain' e 'Hip City / You Were Meant For Me' na cara b. 
E así xa vos estamos a dar moitas pistas sobre por donde irá a sesión... 

THE REVILLOS "Bongo Brain"

(Superville Recs, 1982)

Richard Kiel

Richard Kiel

(1939-2014)

descarga a sesión do 15º Aniversario do Rif-Rock!

Aquí tedes a sesión máis agardada de cada ano...

15º Aniversario do Rif-Rock!!

descarga o recopilatorio do 15º Aniversario do Rif-Rock aquí!!

*[o rar inclúe a sesión nunha pista de 58 mins a 320 Kbps + galleta do disco e portada]

Mystic Braves "Desert Island"

Unha das marabillas que nos deixou Marinocha na sesión do sábado...

Non coñecía de nada ós Mystic Braves e dende a primeira escoita xa tiven que preguntar quénes eran. Son de California e este "Desert Island" é o segundo álbum autoeditado pola propia banda. Garage, pop, psych e toques surf con melodías impecables. Directamente recomendado.

MYSTIC BRAVES "Desert Island"

(Mystic Braves, 2014)

"No Seattle"

Novo lanzamento do selo Soul Jazz Records. Desta vez en lugar de facer un exercicio de arqueoloxía musical en lugares exóticos, nos presentan este "No Seattle" que seguro que moita xente estivo tentado a facer, pero non tiveron ocasión, ou alomenos aquí non chegou. Coa perspectiva que da o tempo poñen a súa mirada no noroeste dos USA, entre mediados das décadas dos 80 e os 90, en plena explosión grunge e recopilan ata 28 temas que bandas que non tiveron oportunidades coma outros dos seus veciños, ou sinxelamente que a prensa e o público esqueceu, baixo o subtítulo "Forgotten Sounds of the North-West Grunge Era 1986-97". Trátase dunha recopilación de bandas que só lanzaron un single, ou un par deles, ou un album sen apenas repercusión, incluso algunha que segue activa a día de hoxe sen trascender máis aló da súa zona. Así de entrada solo conocemos a Thrillhammer e Soylent Green, así que a esto imos sacarlle moito rendimento. 

Podedes botarlle unha escoita a todo e demáis info na web de Soul Jazz Records.

V.A. "No Seattle. Forgotten Sounds of the North-West Grunge Era 1986-97"

(Soul Jazz Records, 2014)

The Even Flow Experience!!

carteles listos... heavy gramage!!!

mañán... Marinocha über alles!!!

The Cramps "A Date with Elvis"

Pero para ir entonándonos de certo cara a fin de semana imos con algo máis vello e con moito máis ritmo. O outro día nos dixeron no local que deberíamos recomendar moitas máis cousas de The Cramps, e tiña toda a razón, así que ahí vai...

"A Date with Elvis" foi o seu terceiro LP de estudio, desta vez xa sen a guitarra de Kid Congo Powers, convertidos en power trio coas voces de Lux Interior, Poison Ivy a cargo da gravación de guitarra e baixo, e tamén das voces en 'Kizmiak', e co baterista Nick Knox. A diferencia dos anteriores traballos, son case todo temas propios, so inclúen os arranxos da tradicional 'Chicken', e remata co clásico country 'It's just that song' de Charlie Feathers. En edicións posteriores se completa con 4 ou 6 (segundo o ano) covers sacadas dos 7'' da época. Imposible sacarse da cabeza ese ritmo psychobilly, a medio camiño entre o surf e o garage tan característico que apartires de aquí comezaron a pulir, e as letras descacharrantes coma en 'Can your pussy do the dog?', 'What's inside a girl?', 'Aloha from Hell'. 

Como anécdotas, en 'People ain't no good' aparece o coro infantil do McMartin Preschool (inquietante historia, buscádea!), e o álbum está adicado a Ricky Nelson, por iso o de A Date with Elvis, pero iso xa é outra historia máis longa...

THE CRAMPS "A Date with Elvis"

(Big Beat, 1985) 

Robyn Hitchcock "The Man Upstairs"

E antes da fin de semana imos cun par de álbumes. 

Primeiro imos con algo ben relaxante. Trátase do novo traballo do veterano Robyn Hitchcock, desta vez xa sen os Venus 3, nen The Egyptians, nen coa esperada volta dos Soft Boys. "The Man Upstairs" é un álbum acústico a pau seco, voz e guitarra de Hitchcock só acompañado de Anne Lise Frøkedal (do grupo noruego I Was a King) tamén con guitarra e voces, e inclúe 10 temas, 5 versións dos Psychedelic Furs, The Doors, Grant-Lee Philips, Roxy Music e dos propios I Was a King, intercaladas cos 5 novos temas de Hitchcock. Un resultado de indie folk-pop no que predominan as melodias por riba de todo, perfecto para tomarse 40 minutos de descanso...

ROBYN HITCHCOCK "The Man Upstairs"

(Yep Roc 2014)

The Limboos 'Big Chef'

Non sabedes as ganas que temos de que chege o primeiro Lp de The Limboos!! "Space Mambo" sairá o próximo 1 de outubro, pero mentres agardamos xa temos outro 7'' de adianto, 'Big Chef' ('Limbootic' na cara b), que xa está dispoñible na web de Penniman Records. 

O seu videoclip estreouse onte na web de TVE, nas R3comendacións de Radio3. 

WOS Inc

Recomendación para a próxima fin de semana en Compostela. A xente de Work On Sunday nos presenta a primeira edición do WOS Inc. 
Un festival multidiscipliinar que se reparte ó longo de tres días (12-14 setembro) por sedes repartidas por toda a cidade. 
Toda a info na súa web wosinc.workonsunday.es

programación setembro 2014

E aquí tedes todo o programa de setembro 2014 ben ordenado...

Sáb.6: MARINOCHA Über Alles!

Ven.12: Trash Trash Trash

Ven.19: Fuck'U Whiteys... Black Grooves!

Sáb.27: THE EVEN FLOW EXPERIENCE en concerto!!

+ sesión de KURCO SoundSystem

Sáb.27 The EVEN FLOW Experience en directo!!

E para pecha-lo mes por todo o alto non podía falta-la música ao vivo. 

E ademáis vai a ser un deses shows que nos encanta anunciar:

THE EVEN FLOW EXPERIENCE!!

Sábado 27 de setembro, dende as 23:30h. 

Victor Karallada e Manolo Serantes, que durante moito tempo formaron a banda residente do noso local, e volven 5 anos depois do seu último concerto retomando o seu proxecto acústico no Rif-Rock. Qué ganas de volver a velos!!

E para continua-la noite, seguirá KURCO SoundSystem dende a cabina. 

Un plan perfecto para remata-lo mes!!

Ven.19: Black Grooves!!

Ven.12: trash trash trash

Sáb.6: Marinocha Über Alles

E con setembro retomamos a actividade, e para comezar nada mellor que meter a Marinocha na nosa cabina!! Über Alles!! O da peluca é opcional...

nova tempada...

Xa temos todo listo!! 
Así que mañan xa vos ensinaremos toda a programación de setembro...

"A Psych tribute to The Doors"

Hai uns meses que saiu este tributo a The Doors da man de Cleopatra Records e non lle fixemos moito caso ata este fin de semana, e máis polas bandas que aparecen que polos temas que fan. Atoparedes a bandas como Elephant Stone, The Black Angels, Psychic Ills, Dark Horses, Camera, Dead Meadow, e Raveonettes entre outros, tampouco é para alucinar pero hai un par de temas ben curiosos.

V.A. "A Psych tribute to The Doors"

(Cleopatra Recs., 2014)