jueves, 31 de mayo de 2018

Sudor "Enamorado de la muerte juvenil"

Moito temos falado deste álbum, e aínda non o recomendáramos no blog.
Os toledanos Sudor son un referente na escena hardcore e punk estatal. En só unha década de traballo e cun bó puñado de referencias fixéronse un oco no máis alto da escea. O ano pasado tivemos a sorte de poder traelos á presentación conxunta de Ulomanía Coop e Pantera e Iribarne un auténtico luxazo compartir o día con eles.
O seu último álbum este "Enamorado de la Muerte Juvenil" data xa do 2015, subtitulado como Otro disco de Sudor... son dez temas sen concesións, velocidade, contundencia e melodía. De mostra, 'Me suena a mierda tu grupo de punk', e o seu particular hit 'Algo en su cabeza hizo crack' un auténtico pelotazo. Un disco de referencia no xénero.

SUDOR "Enamorado de la muerte juvenil"
(Beat Generation/Todo destruido, 2015)



Frank Doubleday

Frank Doubleday
(1945-2018)



martes, 29 de mayo de 2018

Black Grooves#57

Aquí tedes unha selección da entrega do venres pasado da serie Black Grooves. Jazz, funk, soul e moito rhythn'nblues, metédelle volumen.

Psych.Munstaphà "Fuck'U Whiteys... Black Grooves!!"
(sesión Rif-Rock 25 maio 2018)


lunes, 28 de mayo de 2018

Superser 7"

E por fin, aquí vos presentamos o 7'' de Superser, o último lanzamento de Ulomanía Coop, participando na edición con outros cinco selos.
SUPERSER é un trío de Cedeira (A Coruña), con membros procedentes de bandas coma os Black Jujus ou os míticos Rock-A-Hulas.
Practican una fórmula adictiva de garage, blues psicodélico e surf, inspirados en Link Wray, Roky Erikson, Sky Saxon, Larry Parypa ou Kim Salmon. 
Neste 7'’ (Ulo-005) presentan dous temas hipnóticos gravados nos Estudios Bajocero, e coas mesturas a cargo de Manu Selvática. 'No te pires nena' é puro garage psych, e 'Ámame como una perra' unha especie de deconstrucción do I Wanna be your dog que surfea entre o noise e la psicodelia. Unha xoia.
*Aviso: xa quedan moi poucas copias.
Superser en bandcamp.

SUPERSER "Superser"
(Ulomanía Coop., Pafff Bum discos, Pelgar, Sweet Grooves Recordings, 
Discos Positrónicos, Doente, 2018)




sábado, 26 de mayo de 2018

Sáb.9 xuño: LITTLE JUICE en directo

Próxima cita coa música en directo:
O 9 de xuño teremos aos LITTLE JUICE, presentándonos en directo o seu primeiro traballo, o EP "Drøwn" (Ulomanía Coop, ULO-004), coa súa particular mestura de freak soul, blues e pop. E despois sesión Black Grooves!.
No poster, a foto de Irene Ríos empregada na portada da edición.

LITTLE JUICE en directo.
Sábado 9 de xuño, 23:45h.
+ sesión Black Grooves!


jueves, 24 de mayo de 2018

Sun Ra and his Intergalactic Arkestra

Recuperamos material audiovisual do extraterrestre Sun Ra.
Desta vez recomendamos esta 'Jazz Session' gravada para a tv francesa en agosto de 1972, en medio da xira Euro/Egypt Tour. Unha sesión de media hora coa Intergalactic Arkestra, na que interpretan catro temas: Somebody Else's Idea, a mítica Watusi, Discipline e Synth.
Foi publicado en dvd, "Jazz Session" (Transparency, 2011).
Poñédeo en pantalla xigante e a flipar...



miércoles, 23 de mayo de 2018

La Huella del Gato, historia dos Stray Cats

Máis libros. A través das redes coñecimos o lanzamento desta biografía dos Stray Cats. "La Huella del Gato, historia de Stray Cats" escrita e autoeditada por Marco Noriega. O trío das aforas de NY son unha das bandas fundamentais para comprender o rock dos 80s. Os Stray Cats (Brian Robert Setzer, James Robert McDonnell e Leon Drucker) deixaron un legado enorme, cunha etapa inicial brillante, e un período posterior bastante insulso no musical, separación e contínuas xiras de reunión. Pero de calqueira xeito, foron unha banda clave no revival do rockabilly dos 80s, e que tamén xogaron un papel fundamental como influencia en moitas bandas británicas de punk, do psychobilly británico e do post-todo o que veu despois.
Sempre apetece ler algo ameno dunha banda tan influínte coma esta. Aquí tedes a súa historia, discografía, concertos, nunha edición a cargo do propio autor, algo que tamén hai que apoiar nestes tempos.
Toda a info na web: straycatsstory.com

Marco Noriega "La Huella del Gato. Historia de Stray Cats"
(autoeditado, 2018)



martes, 22 de mayo de 2018

Oh Sees 'Overthrown'


Os Oh Sees de John Dwyer anunciaron onte o seu nvo álbum, "Smote Reverser" que sairá o 17 de agosto con Castele Face Music, e de paso xa nos adiantan a portada, obra de Matt Stawicki ao máis puro estilo das bandas de metal.
O tema de adianto é 'Overthrown', duro, cunha rítmica atronadora, pero segue a navegar polo garage psychodélico habitual da banda, con evolucións moi contundentes e enérxicas, pero tamén con estrofas de elaboración minuciosa. Impacientes por escoitar máis.
Polo momento xa o tedes dispoñible no seu bandcamp.




viernes, 18 de mayo de 2018

Superser (ULO-005)

Aquí está a nova referencia de Ulomanía Coop.
ULO-005 Superser
Un 7'' con dous temas hipnóticos de garage psych e surf espacial a 45rpm. 
"No te pires nena b/w Ámame como una perra".
Unha edición na que participan Discos Positrónicos, Pelgar, Sweet Grooves Records, Doente, Pafff...Bum Discos e Ulomanía Coop. 
Dispoñible no local dende hoxe mesmo.


jueves, 17 de mayo de 2018

Día das Letras 2018


Bó día das Letras Galegas a todos!!
Este ano adicado a María Victoria Moreno.
A imaxe que encabeza, e unha da ilustración de David Pintor, imaxe oficial para o poster da exposición itinerante "María Victoria Moreno. Paisaxes e personaxes".
Recomendámosvos ademáis o completo documental María Victoria Moreno, Galega por Amor, producido polo concello de Pontevedra:



martes, 15 de mayo de 2018

Ty Segall & White Fence 'Good Boy'


Onte coñecimos un adianto ben interesante. Ty Segall e White Fence volven unilas súas forzas, logo daquel fantástico álbum que compartiron hai seis anos, "Hair" (Drag City, 2012). O seu novo traballo xuntos leva por título "Joy" e non sairá ata o 20 de xullo, pero xa está dispoñible para reserva en tódo-los formatos.
Polo momento nos deixan como adinato o tema 'Good Boy', con aires moito máis 60s do que nos teñen acostumado. Impacientes xa por escoitar máis.



lunes, 14 de mayo de 2018

7'' de Superser

Hai un par de meses xa vos adiantabamos o debut dos Superser. 
E xa está aquí en vinilo de 7''. Na edición colaboran media ducia de selos entre os que están Ulomanía Coop. Aquí vos deixamos o pouco que nos amosaron polo momento. Nuns días tódo-los detalles.


jueves, 10 de mayo de 2018

The Buttertones "Midnight in a Moonless Dream"

Imos con un álbum antes do fin de semana.
Mentres agardamos a chegada de novos lanzamentos, imos a recomendarvos o novo dos Buttertones. Nesta nova entrega experimentan outros sons, que directamente etiquetan de xeito cinematográfico e non musical, thriller, comedia, drama... "Midnight in a Moonless Dream" divídese en dúas partes ben diferenciadas. Na primeira seguen con esa mestura de rock alternativo, garage e psychobilly sempre cos Cramps no retrovisor. No formal non hay demasiadas variacións con respecto ao anterior "Gravedigging" do ano pasado, cecais moito máis saxo, e mellores melodías, nesta ocasión de inspiración 80s. Comezan coa inquedante instrumental 'At the Dojo', que mestura jazz, surf e western terrorífico en menos de catro minutos. 'Baby C4' é unha mestura de psychobilly con post punk ruidoso na onda do primeiro Nick Cave, que será a tónica dominante desta parte do álbum, coma en 'Old Nick's Still Got it'. E destacaremos ademáis 'Winks and Smile', unha peza de rock primitivo cun ritmo frenético. Na segunda parte do álbum decae bastante o ritmo, e dominan as melodías, algunha demasiado pop que costa encaixar, incluso algunha pastelada dificil de dixerir. Pero coa primeira parte xa é bastante.

THE BUTTERTONES "Midnight in a Moonless Dream"
(Innovative Leisure Records, 2018)



Parquet Courts, adiantos de "Wide Awake"

Xa queda moi pouco para a saída do novo traballo dos Parquet Courts. 
Os de New York pasan por se-la banda máis en forma do momento sen ningunha dúbida, ata o momento tódo-los seus traballos son impresionantes, e con cada entrega seguen subindo de nivel.
O álbum "Wide Awake" (Rough Trade) sae a próxima semana, o venres 18, e tras adiantarnos a fantástica 'Almost Had To Start A Fight / In And Out Of Patience' en febreiro, nas últimas semanas lanzaron dous novos videoclips. O do propio tema 'Wide Awake', unha peza de baile divertidísima, e a máis pausada 'Mardi Gras Bead'. Ademáis tamén atopamos o adianto de outros temas en sesións en directo, coma o de 'Total Football'.
Impacientes estamos xa por telo completo.




Kodwo Eshun "Más brillante que el Sol"

Nestes dían lánzase a versión en castelán de un dos mellores ensaios sobre a música negra avanzada. "More Brillant than the Sun" foi a primeira gran obra do polifacético Kodwo Eshun. Neste ensaio mesturaba a crítica musical coa análise cultural, através das creacións máis revolucionarias da música negra. Os protagonistas son o sonido, os deseños ou as ideas, e todo escrito coma un exercicio poético na onda do cyberpunk. Un clasicazo que xa dispoñemos en castelán 20 anos despois da man da Editorial Contra.

Kodwo Eshun "Más brillante que el Sol. Incursiones en la ficción sonora"
(Editorial Contra, 2018 / orixinal Quartet Books, 1998)


Así o presentan na web da Editorial Contra:
Luego de su publicación original en 1998, Más brillante que el sol, del ensayista y artista británico Kodwo Eshun, marcó un antes y un después en la crítica musical y los estudios culturales. Parte experimento de escritura ciberpunk, parte viaje a través de las capas subterráneas de la música negra, este libro se propone abandonar el abordaje clásico que explica las innovaciones sonoras por lo social, lo histórico o lo biográfico para adentrarse de lleno en la materialidad del vinilo y descubrir los conceptos que la música produce para teorizarse a sí misma. A partir de un ajuste constante del telescopio de la percepción, desde la escucha más atenta de los samples de un track hasta la contemplación fascinada ante el arte de tapa de un disco, este libro está diseñado para producir sensaciones en tu cuerpo, como cuando tus dedos se sienten atraídos por un disco y se estiran para alcanzarlo, o cuando un ritmo se mete bajo tu piel provocándote un estremecimiento eléctrico. Porque el cuerpo es la vía de acceso definitiva para comprender la música.
Desde Sun Ra y Alice Coltrane a Lee Perry y Tricky, desde Public Enemy y Funkadelic a Underground Resistance y Drexciya, lo que persiste no es una noción de lo negro como algo puro y unificado, con raíces en el pasado o en la autenticidad de la calle. Surgida de la experiencia de la diáspora, la esclavitud y el desarraigo, la cultura afroamericana y los sonidos afrofuturistas del jazz, el funk, el dub, el hip hop, el techno y el jungle son por definición sintéticos, alienígenas y posthumanos. A partir de un tipo de imaginación nutrida por los cómics y la ciencia ficción, Kodwo Eshun encuentra en esa música indicios de nuevas formas de vida: shocks sensoriales que nos arrojan hacia mundos que vienen a nosotros desde el futuro.

miércoles, 9 de mayo de 2018

9 xuño: LITTLE JUICE en directo

Xa podemos adiantarvos datas para o próximo mes.
O 9 de xuño teremos aos LITTLE JUICE, presentándonos en directo o seu primeiro traballo, o EP "Drøwn" (Ulomanía Coop, ULO-004), coa súa particular mestura de soul, blues e pop. E despois sesión Black Grooves!.
No poster, a foto de Irene Ríos empregada na portada da edición.

LITTLE JUICE en directo.
Sábado 9 de xuño, 23:45h.


jueves, 3 de mayo de 2018

Brakin' Bones Vs Travesti Afgano

Unha recomendación moi especial para este fin de semana.
Os BREAKIN' BONES e os TRAVESTI AFGANO nun combate a dous asaltos.
Este sábado 5 de maio na SalaSón de Cangas.


O clip de 'Puertohurraco' no Festival de Cans

Boas novas.
Gemma Marqués e Daniel Alonso de La Casa Taller, veñen de ser nomeados na sección oficial de videoclips do XV Festival de Cans, polo seu traballo 'Puertohurraco', para os Breakin' Bones. Noraboa!!!
A lista completa da sección oficial aquí.


miércoles, 2 de mayo de 2018

Basanta "Colorama"

Máis novidades da terra. 
Un dos lanzamentos más agardados da tempada é o lp de debut dos BASANTA. Quinteto vigués de enmascarados, (entre eles Roi Basanta, ex-The Blows), que nos ofrecen unha das propostas máis interesantes dos últimos tempos. 
Basanta é rock psychodelico, melodías impecables con letras en castelán e a influencia de todo o universo de folk sixtie máis retorcido, ademáis dunha imaxe contundente de ritual pagano e ritos ocultistas.
Logo da súa maqueta do 2016 e os seus impresionantes directos, por fin chega "Colorama", o lp de debut. Comezan con 'Cromestesia', único tema que recuperan da súa maqueta. Pezas de rock psycodélico, coma 'Animal', 'Emperador' (esta nos remiten aos nosos queridos Soundtrack of Our Lives), 'Karma' ou 'Tentación', momentos  acústicos máis pausados coma en 'Coyote', e a explosión de psychodelia orientalista de 'Thelema'. Mención aparte para 'Inferis', o tema que escolleron como adianto do álbum, co seu espectacular video clip, inspirado polos filmes da Hammer ou Amando de Ossorio.
Todo gravado nos estudios de Paco Loco, e coa colaboración do noso amigo Rubén Suárez (Family Folks) na mandolina e ata o mítico John Zorn pon o saxo na despedida de 'Arde'. 
A edición é un auténtico luxo, carpeta gatefold en riguroso negro e dourado, con insert coas letras e info, entre o que podedes atopar a listaxe cos 30 instrumentos diferentes que empregaron para agravación.
Fixémonos esta semana con él e aínda non parou de xirar.
Un dos imprescindibles do momento. Só 500 copias, non sei a que esperades.

BASANTA "Colorama"
(C4Music, 2018)



martes, 1 de mayo de 2018

Kings of the Beach "Super Awkward, Fucking Awesome"

Hai un par de semanas que nos fixemos co fantástico "Super Awkward, Fucking Awesome", o flamante lp de debut dos Kings of the Beach!, tardou en sair a edicion en vinilo, pero ben que pagou a pena esperar.
Son 10 pepinazos marca da casa, con todo o habitual do seu repertorio en directo do último ano. Garage punk surfeiro e todo moi lo-fi, cambios de ritmo imposibles e xogos de voces de auténtico escándalo, pero todo iso xa o sabedes... 
Para comezar 'Eat Snot' e 'Blisters on my teeth' case sen pausa, e seguidas de 'Goats', que xa nos adiantaran en 7'' o ano pasado. Para rematar a cara A, tedes a tremenda 'Why Hawaii', para min o pelotazo do álbum. Na cara B a inquedante 'Slacker', 'Empty Bodies' 'Young Angus Young' e 'Creisi or What'. Ademáis recuperan 'Wasted/Young' e 'Surfin' da súa primeira maqueta do 2015.
Todo gravado e producido en Gamma Studio, e cos deseños de Roberta Vázquez (insert incluído), nunha edición curradísima a cargo de Ciudad Oasis, en tirada moi limitada, 200 vinilos negros, e 50 azuis, e tamén en cassette, pero para iso a estas alturas igual xa chegades tarde.
Dispoñible na web de Ciudad Oasis.

KINGS OF THE BEACH "Super Awkward, Fucking Awesome"
(Cuidad Oasis, 2018)



1 de Maio

Poster de Yakov Guminer, 1923.