sábado, 31 de enero de 2015

Luther Russell "The Invisible Audience Companion"

Luther Russell publicou no 2011 un dos álbumes que máis nos gustaron dos últimos anos. "The Invisible Adience" segue encarntarme con cada escoita, e ademáis aquí tivemos a sorte da estupenda edición de Grabaciones de Impacto. Hai case un ano que Luther Russell voltaba de xira pola península, e aprobeitou a ocasión para lanzar un álbum cos descartes do 2011: "The Invisible Audience Companion" son 12 temas que podería presentar coma un novo traballo e seguiría a sonar igual de fresco e interesante.  Como a noite pasada estivemos falando de todo esto, ahí vai a recomendación para despistados.

LUTHER RUSSELL "The Invisible Audience Companion"
(Ungawa Music / ASCAP, 2015)



viernes, 30 de enero de 2015

Love Boat "Imaginary Beatings of Love"

Un dos álbumes que máis estamos a escoitar esta semana é este "Imaginary Beatings of Love" dos italianos Love Boat. Os coñecimos cando estiveron na Sala Boogaloo de Portonovo en maio do 2009, e sen máis novas sobre eles dende entón, ata que a semana pasada chegou Little Coffee con este álbum recén comprado despois de moito rebuscar por tendas durante as vacacións. Tremendo discazo de powerpop garagero, rápido, directo, e con melodías das que te dan mil voltas na cabeza horas despois de escoitalas. Un reencontro estupendo. Agora a ver se nos facemos co "Love is Gone!" do 2011 e o resto dos 7'' para completar a colección.

LOVE BOAT "Imaginary Beatings of Love"
(Alien Snatch! Records, 2008)



jueves, 29 de enero de 2015

Mequetrefe 'Floating'

Xa hai máis de un ano que os compostelanos Mequetrefe non publican nada novo, pero seguen a sacarlle rendemento ó seu último Lp "Gobi" (El Genio Equivocado, 2013). Despois do adianto de "A serious Band", seguiron 'The Last Trip' e "Orange EP", e a comezos desta semana lanzaron o video clip de 'Floating' un dos temas máis directos do álbum. 
Dirixido e realizado por Xaime Méndez Miranda, amósanos a tres hipsters de excursión polo campo, que nunca antes viran unha vaca. 
E de paso xa tedes a excusa perfecta para repasar "Gobi" no seu bandcamp.



Foxy Freire

Os Foxy Freire están de volta. Tra-lo retraso na saída do seu LP, e un parón obrigado, Virxilio da Silva, Paco Charlín e compañía xa están apurando a data de lanzamento, e dende esta semana nos van amosando pouco a pouco os novos temas, polo momento temos 'Dark Days' e 'Keepin' On'. Pintaza!!
Xa dispoñibles no seu soundcloud e no bandcamp.



miércoles, 28 de enero de 2015

6 feb: Jamaican Roots!

A próxima semana vos presentaremos todo o programa de febreiro, pero xa vos imos adiantando a do próximo venres: outra entrega de Jamaican Roots. Ska, Rocksteady, Funk e Dub, e moito Don Drummond estades avisados! Pure Dynamite!!


web de Xandre Otero


Xa sabedes que Xandre Otero Paz é un dos nosos artistas favoritos, ademáis de un enchufado do Rif-Rock. Onte mesmo estreou a súa nova web, así que vos recomendamos a todos que a visitedes: http://xandreotero.com/


martes, 27 de enero de 2015

Singles2014, repásao todo!


Coa lista da semana pasada, damos por rematado todo o material de Singles2014, que podedes consultar seguindo a etiqueta
O repaso máis completo a todo o ano anterior no Rif-Rock: tódo-los posters do 2014, tóda-las sesións do ano con enlaces, os mellores momentos, e as nosas listas cos mellores álbumes do ano, o GZ Canibal, o Black Grooves, as seleccións de Kurco e Michi Calambres, video clips, e dous volumes da sesión con todo o mellor do ano. Repasade!! 

domingo, 25 de enero de 2015

descarga Black Grooves!!

Aqui tedes unha selección da sesión do venres das Black Grooves!! Saltámonos a número#27 por cuestións obvias, así que aquí vai a primeira entrega deste 2015, 21 temas de funk, soul & rhythm'n'blues, metédelle volume!!

Psych.Munstaphà "Fuck'U Whiteys... Black Grooves!!"
(sesión Rif-Rock 23 xaneiro 2015)



jueves, 22 de enero de 2015

5 discos do Black Grooves 2014






E aínda nos quedaba unha lista máis do noso repaso do 2014.
Uns cantos nos pediron durante o NadalSoul que fixeramos unha selección de música negra do pasado 2014, en plan o mellor do ano para as Black Grooves. De primeiras nos fixemos os remolóns, pero finalmente fumos pensando en discos e discos e decidimos deixalo en 5.
Aínda que claro, había moitos máis, sobre todo jazz, pero nos teríamos perdido en reedicións e reedicións, así que desta vez pasamos do jazz.
Aquí tedes o noso top5 do universo Black Grooves 2014:


5
TONY ALLEN
"Film of Life"
(Jazz Village, 2014)

O incansable baterista de Fela Kuti segue a producir a un ritmo frenético. Neste último "Film of Life" fai algo así como unha adaptación do afrobeat ós novos tempos, influenciado polas súas últimas colaboracións, e moitos deles participan neste álbum. Abre con dous temas que canta el mesmo, en 'Movin On' por debaixo dos coros, contando a súa vida e dando gracias por todos etos anos, os cambios funk de 'Ewa', pero sobre todo me quedo con 'African Man' un estándar de afrobeat hipnótico. Xa lle gustaría a moitos facer discos así con mási de 70 anos.



4
LEE FIELDS
"Emma Jean"
(Truth and Soul Records, 20104)

Outro desos mitos na súa segunda xuventude. Dende o seu debut a finais dos 60's nunca parou, pero a súa carreira nunca estivo moi reoñecida. Artista incansable lanzando incontables 7'', estivo dende 1979 ata 1995 sen conseguir publicar ningún álbum, pero dende entón xa non parou, sobre todo na última década xunto con The Expressións, na que está a publicar os seus mellores traballos, desta vez sí, có recoñecemento de público e crítica. Este "Emma Jean" é un auténtico tobogán de sentimentos, dende a intensidade e o dramatismo do inicio ata as cotas máis funk, de ritmo e ata blues, que suben e baixan nuna secuencia perfecta. Discazo!!



3
WILLIAM ONYEABOR
"Box Set"
(Luaka Bop 2014)

Volvemos a Africa. William Onyeabor é un dos grandes mitos da música nixeriana, pola súa misteriosa historia, e polo adiantado da súa proposta musical, pero eso xa vo-lo contaremos outro día. Nestes últimos anos estase a recuperar a súa obra, coma o mini documental "Fantastic Man. A Film about William Onyeabor", dirixido por Jake Sumner para Noisey (ver documental aquí) ou recopilatorio "Who is William Onyeabor" (tamén de Luaka Bop, 2014 producido por David Byrne). Este "Box Set" reúne tódo-los seus álbumes que autoeditou entre 1977 e 1985, momento no que se convertíu ó cristianismo e abandonou a vida pública. Horas e horas de música, como diría un que eu me sei, menuda animalada!!!



2
THE BUTTSHAKERS
"Night Shift"
(Copasetic Disques, 2014)

Dos grandes triunfadores do ano nas nosas sesións das Black Grooves foron sen dúbida os franceses The Buttshakers. Despois do xa lonxano "Headaches and Heartaches" do 2010, e do ep do 2013 "Wicked Woman", a comezos do 2014 lanzaron o seu esperado segundo LP "Night Shift". 12 temazos de raw soul, rhythm'n'blues e funk de factura impecable, descaro groove e a potente voz de Ciara Thompson. Un imprescindible.



1
NAOMI SHELTON & The Gospel Queens 
"Cold World"
(Daptone Records, 2014)

Cando falamos de Daptone Records, a maioría pensa inmediatamente en Charles Bradley e Sharon Jones, e esta última sería a candidata de moitos ó número#1 nunha lista coma esta, pero non! ese disco non nos parece para tanto, e non é por leva-la contraria, senón por que este "Cold World" nos parece infinitamente superior. Naomi Shelton é outra desas figuras veteranas recuperadas por Daptone na última década, media vida como Naomi Davis, non publicou ata a súa fichaxe con Daptone, xunto con The Gospel Queens, e tras media ducia de 7'' e o seu debut en longo no 2009, en 2014 chegou o seu segundo lp "Cold World" de alto compromiso social e maior fondo espiritual, dende a inicial 'Sinner' ata o final con 'Thank You, Lord' e 'Everybody Knows'. Un camiño dende o pecado ata a redención. Brillante!!



miércoles, 21 de enero de 2015

Back from the Grave Volume 9

Unha das gratas sorpresas que nos deixou o 2014 foi a continuación da mítica serie de recopilatorios "Back from the Grave" de Crypt Records, co seu volume 9. Supoño que non haberá ninguén que non os ceñeza, pero por si acaso...
"Back from the Grave" foi unha serie de recopilatorios que recollía o garage-punk máis crú da década dos 60s, creados e seleccionados por Tim Warren para o seu selo Crypt Records. Entre 1983 e 1992 publicaron 8 volumes desta serie, (sendo o 7º e 8º xa dobres vinilos) e dende 1994 comezaron coa reedición de todo o material en cd, aínda que reunindo os sete primeiros volumes en 4 cds, e deixando fora algúns temas deliberadamente. En todos estos anos se convertiron nunha desas series de recopilatorios de referencia, e agora máis de 20 anos despois, e cando xa ninguén o agardaba, retoman o traballo donde o deixaron, e publicaron o "Back from the Grave volume 9". Nesta ocasión recuperan 15 temas dos High Spirits, The Raevins, Lord Charles & The Prophets, Knoll Allen, The Emeralds, The Why-Nots... Fantástico!! e o mellor de todo é que para o próximo mes xa está anunciado a seguinte entrega...

V.A. "Back from the Grave. Volume 9"
(Crypt Records, 2014)



martes, 20 de enero de 2015

Apocalypso!! "Apocalypso EP"

Hoxe imos cunha banda que nos levamos perdendo varios anos. Por un ou outro motivo nunca os vimos en directo a pesares da recomendacións, e nas pasadas semans nos fixemos co vinilo do seu primeiro ep. Surf instrumental e toques de garage en 6 temas gravados en varias sesións entre o 2012 e o 2013, a última delas por Zippo dos SraSrSra. A comezos do 2014 ó fin o lanzaron en forma de ep en vinilo de 10''. Se non o atopades pasade polo seu bandcampRecomendado!

APOCALYPSO!! "Apocalypso!! EP"
(autoeditado, 2014)



lunes, 19 de enero de 2015

Mick Collins & Danny Kroha "Winter Blues & Greens: Epitaphs & Elegies by Kim Vincent Fowley"

Coa morte do enorme Kim Fowley, estivemos repasando na fin de semana os seus álbumes, e pensando en recomendarvos algún máis no blog. Pero ó marxe dos que xa vos temos recomendado aquí, e coa indecisión de escoller entre os demáis, atopamos pola web este traballo que descoñecíamos, así que matamos dous paxaros de un tiro. 
Imos con outro grande: Mick Collins, un dos nosos favoritos, que o ano pasado lanzou xunto co seu compañeiro en The Gories, Dan Kroha este homenaxe a Kim Fowley. E gustoume por que non é un tibuto ó uso de versións dos seus mellores temas, senón que converten en cancións sete poemas de Fowley que apareceron no segundo volume dos textos autobiográficos publicados por Kicks Books, "Planet Pain" do 2014 (o primeiro foi "Lord of Garbage"), que presentan nun doble EP. Precioso!!

MICK COLLINS & DANNY KROHA 
"Winter Blues & Greens: Epitaphs & Elegies by Kim Vincent Fowley"
(Norton Records, 2013)


viernes, 16 de enero de 2015

Moon Duo "Shadow of the Sun"

E seguimos con novos lanzamentos. "Shadow of the Sun" é o terceiro lp dos Moon Duo, ademáis de EP, directos, remixes... destas bandas paralelas de divertimento que rematan por superar ó proxecto orixinal, neste caso ós Wooden Shjips. Moon Duo son Repley Johnson e Sanae Yamada, e seguen na mesma onda do seu space rock de anterior entregas, psychodélico, hipnótico, repetitivo... o que queirades, pero a min xa me engancharon unha vez máis. 
Esta semana lanzaron o single de adianto 'Animal', para o resto do lp teremos que agardar ata marzo, aínda que xa o podedes atopar por varios sitios. Recomendado!!

MOON DUO "Shadow of the Sun"
(Sacred Bones Records, 2015)



jueves, 15 de enero de 2015

Ty Segall "Mr. Face EP" + "Live in San Francisco"

Despois de tanto repaso do ano anterior, imos volvendo á normalidade do blog, así que xa toca ir recomendando un par de álbumes.
De primeiro ós novos lanzamentos de Ty Segall, mentras aínda seguimos atopando novos detalles e matices no "Manipulator", arranca o 2015 cun directo e novo EP. 
O directo da Ty Segall Band leva por título sinxelanmente "Live in San Francisco" (Castle Face, 2015) da serie do mesmo nome promovida por John Dwyer dos Thee Oh Sees para o seu selo. Son 10 temas, a maioría pertencentes ó "Slaughterhouse", moito máis rápidos e pesados que nas versións de estudio, e un par delas do recente "Manipulator" aínda non nas súas versións definitivas.
E de material novo nos presenta este "Mr. Face EP". Son catro temas presentados en dous 7'' en vinilos coloreados trasparentes que funcionan como lentes 3D en caso de que teñades interés en contempla-la portada. E do contido que? pois catro temas, os dous primeiros 'Mr. Face' e 'Circles' que parecen sacados do "Melted", e no segundo 7'' con 'Drug Mugger' que parece unha demo do 'Tall man, Skinny Lady' e a acústica 'The Picture'. Isto quere decir que xa falta menos para o seguinte álbum...

TY SEGALL "Mr. Face EP"
(Famous Class, 2015)



miércoles, 14 de enero de 2015

23 xan: Black Grooves


descarga Marinocha Vs Jomitallas

E aquí tedes unha pequena parte da primeira sesión do ano que estaba pendente dende a semana anterior: Marinocha Vs Jomitallas, todo un clasicazo dende a nosa cabina para arrancar cada ano!!

Marinocha Vs. Jomitallas "A primeira sesión do 2015"
(sesión Rif-Rock 3 xaneiro 2015)


martes, 13 de enero de 2015

descarga SINGLES2014 [Kurco Vs Munstaphà]

Aquí tedes a nosa selección do 2014 saída da sesión do sábado, toda unha noite pelexando coas nosas listas, e todo mesturado conxuntamente por Kurco e Munstaphá. E xa vos avisamos que este ano non hai especial GZ Canibal.
Así que aquí tedes dous volumes con 46 temas en total. A ver se vos gustan...

KURCO VS. MUNSTAPHA "Singles2014"
[sesión Rif-Rock 10 xaneiro 2015]
faite con Singles2014: Volumen#1 e Volumen#2.


viernes, 9 de enero de 2015

este sábado SINGLES2014


The Even Flow Experience, mellor momento Rif-Rock 2014

Despois dunha semana de escasas votacións, pero case por unanimidade podemos proclamar o retorno dos The Even Flow Experience como o mellor momento do 2014 no Rif-Rock.

The Even Flow Experience volvían cinco anos despois, e foi sen dúbida foi un dos titulares do 2014 no Rif-Rock. E ademáis os tivemos por partida dobre.
A primeira entrega o 27 de setembro [ver concerto], cando recuperaron moito do seu repertorio de anos atrás. 
A segunda foi o 22 de novembro [ver concerto], xa cun repertorio bastante renovado. Dous concertos para o recordo que nos levaron varios atrás, coma se o tempo non tivera pasado. No 2015 volverán.
Premio máis que merecido...


jueves, 8 de enero de 2015

5 discos do GZ Canibal 2014






Aquí están os nosos 5 favoritos do GZ Canibal do 2014:

5
TERBUTALINA
"A Muerte"
(Terbutalina, 2014)

E con esta xa van seis entregas dos Terbutalina.
"A Muerte" é outra colección de trallazos sen un segundo de concesión, con 10 temas en 15 minutos nos que non deixan títere con cabeza, nin a eles mesmos, sempre cumprindo co de hostias para todos. Compostela un auténtico himno deste ano (que bonita está...). 



4
PUMA PUMKU
"Is It in You?"
(Matapadre, 2014)

A finais de ano estreouse o lp de debut dos compostelanos Puma Pumku. "Is it in you?" ven sendo a continuidade perfecta do seu ep do ano pasado, do que inclúen tres dos seus catro temas neste Lp (deixan fora 'Outer Space is in us all'). Só con que lle metades unha escoita ó seis minutos de 'Twilight on the Mind' xa queredes facervos con el. 



3
NOVEDADES CARMINHA
"Juventud Infinita"
(Ernie, 2014)

Fíxose esperar varios meses pero en marzo ó fin chegou o novo álbum dos Novedades Carminha. Divertidos coma sempre e con moitos cambios no seu sonido, pero que con varias escoitas caes na conta de que no importante seguen soando coma sempre. Finalmente "Juventud Infinita" colouse entre os nosos favoritos do ano.



2
GUERRERA 
"Mauna Loa"
(Matapadre, 2014)

Segundo traballo de Guerrera despois da descarga do interesante "Under a Gypsy Sun" do ano pasado. Este ano presentáronnos "Mauna Loa", aínda máis centrado e con só dous temas de 18 minutos cada un, cara A e cara B. Son 'Montaña y Fuego' e 'Magma y Trueno'. Blues, stoner e psycodelia. Pura liserxia volcánica!!



1
THE LIMBOOS 
"Space Mambo"
(Penniman Records, 2014)

Un dos álbumes que máis agardábamos no ano pasado e superou con creces as nosas espectativas. Se pensabades que The Limboos eran un divertimento pasaxeiro, co lanzamento de "Space Mambo" xa teredes que tomalos moi en serio. Son 12 temas do seu rhythm'n'blues exótico, con aires a New Orleans pero sen deixar atrás guitarras crúas e algún momento máis garaxeiro.  Puro ritmo e factura impecable. Imposible deixar de bailar!!.



10 álbumes do 2014






E aquí vai a lista de álbumes do 2014 de Munstaphá
Os que máis me gustaron, por que foron os que máis pinchamos no Rif-Rock, por que me parecen os mellores, ou algún por que si!!. 
Seguro que vós tedes outros, así que comentade!!
Na última quenda se quedaron fora un puñado de álbumes que tamén nos encantan coma o de Thurston Moore ("The Best Day"), o "Shattered" dos Reigning Sound, o "To be Kind" dos Swans, o "Drop" de Thee Oh Sees, ou os de Parquet Courts, Temples, Allah-Las, White Lung... e seguiríamos con moitos máis, pero propuxémonos deixalo en 10, así que ahí van, a nosa lista definitiva dos 10 álbumes do 2014: 
(que en realidade son 11)

10
THE FUTURE PRIMITIVES 
"Into the Primitive"
(Voodoo Rhythm Records / Groovie Records, 2014)

Para comezar un pouco de brasa e a nota exótica que ten que aparecer en cada lista. The Future Primitives son un power trio sudafricano de Cidade do Cabo, que nos ten fascinados dende o seu primeiro álbum "This Here's The Future Primitives" cando foi relanzado para Europa da man dos portugueses Groovie Records, e case de inmediato chegou o seu segundo álbum "Into the Primitive" continuando coa súa fórmula de garage, psychodelia e surf con esa envoltura lo-fi que tanto nos gusta!!! e entre os seus 13 temas covers dos Human Expression e dos Milkshakes. Trallazo de álbum!!



9
THE BUDOS BAND 
"Burnt Offering"
(Daptone Records, 2014)

Unha referencia que se cola na nosa lista da factoría Daptone Records, pero que nada ten que ver coa súa liña de revival soul. O novo traballo dos neoiorquinos The Budos Band, que non publicaban nada novo dende o "Budos Band III" do 2010. Desta volta o título do álbum xa non vai numerado, e dende logo a estética da portada non ten nada que ver con todo o anterior, pero seguen a ser un grupazo intrumental coa súa potente mestura afrobeat, funk, soul e rock no que cabe de todo, dende Fela Kuti, ata Black Sabbath, e este "Burnt Offering" é unha boa mostra, se cadra aínda máis contundente da súa proposta. 



8
PONTIAK 
"Innocence"
(Thill Jockey Records, 2014)

Despois de moitas entregas, Pontiak se colan entre os nosos favoritos do ano. Son unha banda de Washington DC, formada por tres irmáns (os Carney) etiquetados xenéricamente nesta onda de neo-psych, pero con moitos pasaxes de hardcore e sobre todo stoner, e noutros moito máis pausados, case ambient. Sempre din que os seus referentes son MC5 e The Stooges, ó que eu vos apuntaría tamén ós Slint. Este ano publicaron "Innocence" que xa é o seu séptimo LP de estudio, ademáis de un puñado de EPs. Coma en anteriores entregas, deberían secuancialo todo de outro xeito e sería case perfecto, aínda que nesta ocasión estiveron moito máis centrados para facer unha sucesión de temazos de todo tipo. Uns auténticos todoterreo.



7
GUIDED BY VOICES
"Motivational Jumpsuite" & "Cool Planet"
(GbV / Fire Records, 2014)

Dificil decisión entre os dous álbumes que publicaron os Guided by Voices no 2014, así que en vez de mollarnos metemos os dous xuntos e listo!!
Con Robert Pollard nun estado de forma envexable, na primeira metade do ano publicaron estes dous álbumes, de 20 e 18 temas sempre en torno ós 40 minutos de tope, coas súas melodías impecables, imaxinación desbordante, e independencia por riba de todo, e nestas ocasión con moito músculo, temas a medio rematar, e a urxencia de publicar cando eres unha fonte inesgotable de cancións. En realidade estivemos a punto de poñer "Motivational Jumpsiute" e "Cool Planet" por separado, pero aproveitamos para deixarlle sitio a outro. Xa sabedes que son das miñas maiores debilidades...



6
CURTIS HARDING
"Soul Power"
(Burger Records, 2014)

Un dos debuts que se colan na nosa lista deste ano, o debut en solitario de Curtis Harding "Soul Power", un álbum de r'n'b e soul publicado por Burger Records. Nos seus referentes atoparedes moito gospel, ou elementos máis recentes como incorporación de corista dos CeeLo-Green, e membro da banda de Night Sun xunto con Cole Alexander dos Black Lips. E a todo iso sona este Soul Power, dende impecable rhythm'n'blues vintage, ata pezas de delicioso soul, e algo tamén de lo-fi que se ve que lle tira bastante. Seguro que este Curtis vai a dar moito que falar nos próximos anos.



5
GOAT
"Damage"
(Rocket Recordings / Sub Pop, 2014)

Unha das bandas que máis nos deixou alucinados alá polo 2012 foron os suecos Goat. O seu debut "World Music" foise convertendo pouco a pouco nun dos álbumes que escoitábamos con máis insistencia, e unha vez que nos fixemos co vinilo nin vos conto... despois dos numerosos lanzamentos de remixes e do directo "Live Ballroom Ritual", no 2014 chegou "Commune" que continúa coa súa fórmula única de psychodelia, worldbeat, kraut... puro rítmo vudú con temas coma 'Goatslaves', 'Hide from the Sun', 'Bondye' ou 'Gathering of ancient tribes'. Para seguir alucinando.



4
HOLY WAVE
"Relax"
(Reverberation Appreciation Society, 2014)

O segundo LP dos Holy Wave publicouse a comezos do 2014, e aínda que o tivemos ahí aparcado durante meses, sempre volviamos a él, e cada vez soando máis dende a cabina do Rif-Rock. Holly Wave son outro enxendro lanzado polo selo do Austin Psych Fest, The Reverberation Appreciation Society, e este "Relax" está cheo de ese garage-surf-pychodélico que tanto nos gusta, dende esas melodías e riffs preguiceiros que vos levantarán o ánimo en calqueira momento coma as de 'Star Stamp', 'Do you feel it?', ou temas máis retro como 'Mouth Mountain' e 'Psychological thriller'. Xa temos gañas do seguinte!



3
NICK WATERHOUSE 
"Holly"
(Innovative Leisure Recs/V2 , 2014)

"Holly" é o seu segundo álbum, despois do "Time's All Gone" do 2012 que xa nos deixara alucinados e se colara na nosa lista do mellor daquel ano.
Desta vez nos deixa outra colección de rhythm'n'blues e soul brillante. Cunha rítmica impecable, ventos e coros, e con Waterhouse á voz e guitarra en estado de gracia. 10 temazos nun só álbum! e si no "Time's All Gone" despregaba unha variedade de recursos tremenda, neste aínda se supera trascendendo tempo e estilos. Imprescindible!!



2
BENJAMIN BOOKER
"Benjamin Booker"

(ATO/Rough Trade, 2014)


O debut de Benjamin Booker foi unha das sensacións do ano. A cada escoita gañando presencia, co seu potente blues, que tanto tira cara o punk e ó lo-fi, como cara o soul máis doce. Seguro que xa estades fartos de tanto escoita-lo seu single 'Violent Shiver', pero todo o álbum está cheo de temas na mesma liña coma 'Have you seen my son?' ou 'Old Hearts', pura cacharrada de baile como 'Wicked Waters', e preciosos momentos de soul que rematan en outra cousa moi distinta. O bailaredes aínda que non queirades.



1
TY SEGALL
"Manipulator"
(Drag City, 2014)

E aquí está! ¿¿alguén o dubidaba??? 
Ty Segall de cabeza ó número un dos nosos favoritos do ano unha vez máis. Fíxose esperar comparado co seu ritmo de publicacións dos últimos anos, pero "Manipulator" conquistounos dende o primeiro momento. Dobre vinilo con 17 temas nos que retoma tódo-los espectros dos seus últimos traballos, moita guitarra acústica, distonsión, rítmica potente e melodías perfectas que non poderás olvidar en moito tempo. Xa vou a escoitalo outra vez dun tirón. Insuperable!!!



miércoles, 7 de enero de 2015

os 10 de Michi Calambres do 2014






Outro que se atreveu coas listas. 
Estos son os 10 de Michi Calambres do 2014:


10
PAUL COLLINS
"Feel the Noise"
(Alive Natural Sound Records, 2014)
9
THE MAHARAJAS
"Yesterday Always Knew"
(Sound Pollution, 2014)
8
THE ALLAH-LAS
"Worship the Sun"
(Innovative Leisure, 2014)
7
PETE MOLINARI
"Theosophy"
(Cherry Red Records, 2014)
6
LEE FIELDS
"Emma Jean"
(Truth & Soul, 2014)
5
BABY WOODROSE
"Kicking Ass and Taking Names"
(Bad Afro Records, 2014)
4
NICK WATERHOUSE
"Holly"
(Innovative Leisure, 2014)
3
REIGNING SOUND
"Shattered"
(Merge Records, 2014)
2
TY SEGALL
"Manipulator"
(Drag City, 2014)
1
CURTIS HARDING
"Soul Power"
(Burger Records, 2014)



Os 10 de Kurco do 2014







Seguimos coas listas. 
Outro que se molla, estos son os 10 do 2014 de Kurco SoundSystem:


10
FOO FIGHTERS
"Sonic Highways"

(Roswell / RCA, 2014)

9
ROYAL BLOOD
"Royal Blood"

(Warner, 2014)
UNDERTOWN
"Shelter"
(KSF/Undertown, 2014)
7
INTERPOL
"El Pintor"

(Matador Records, 2014)
6
SHELLAC
"Dude Incredible"

(Touch & Go, 2014)
5
BRANT BJORK
"Black Flower Power"

(Napalm Records, 2014)
4
ARCHIE BRONSON OUTFIT
"Wild Crush"

(Domino Records, 2014)
3
NOVEDADES CARMINHA
"Juventud Infinita"

(Ernie Records, 2014)
2
THE BLACK ANGELS
"Clear Lake Forest"

(Blue Horizon Records, 2014)
1
THURSTON MOORE
"The Best Day"

(Matador Records, 2014)


A mellor portada do 2014

Outra das cousas nas que sempre poñemos moito empeño ó longo do ano é o das portadas que máis nos gustan. Este ano costou a decisión, tiñamos claro que caería entre varios collages, pero finalmente nos decidimos polo "Deep Fantasy" dos White Lung (Domino Records, 2014), os autores os propios membros da banda de Vancouver: Mish Way e Kenneth William.


martes, 6 de enero de 2015

5 videoclips do 2014

SHARON JONES & The Dap-Kings 'Retreat'
do álbum "Give the People what they want" (Daptone Records, 2014)



THURSTON MOORE 'Speak to the Wild'
do álbum "The Best Day" (Matador, 2014)



HOLY WAVE 'Wet and Wild'
do álbum "Relax" (The Reverberation Appreciation Society, 2014)



THE LIMBOOS 'Big Chef'
do álbum "Space Mambo" (Penniman Records, 2014)



GOAT 'Hide from the Sun'
do álbum "Damages" (Rocket Recordings / Sub Pop, 2014)

lunes, 5 de enero de 2015

Tóda-las fotos da festa de Fin de Ano

Xa están subidas tóda-las fotos da festaza de Fin de Ano que nos montaron dj Jaleo & CuatroFotos. Todo o que pasou dentro desa cabina de fotomatón, alomenos todo o que se poden ensinar... 
Xa é tarde para arrepentirse, agora a botar unhas boas risas outra vez!!
Todo na web de CuatroFotos, no álbum Fin de Ano Rif-Rock 2014
Buscádevos e compartide!! 


tóda-las sesións dos 2014








Continuamos co repaso do 2014. 
Aquí tedes tóda-las sesións do ano, alomenos tóda-las que deixaron arquivos de descarga, que foron a maioría. Faltan algunhas de Kurco e Marinocha, unha das do Chief Bromden, de Rufo, unhas cantas da serie Black Grooves, como a última do 26 de decembro.... estivérades ali!!
O resto están todas aqui, 33 sesións para descargar, a ver cantas vos faltan...



Marinocha Über Alles "Guerrilla Girls" (4 xaneiro 2014)
Xa sabedes que unha das nosas tradicións é a de comezar o primeiro sábado de cada ano cunha sesión de Marinocha. Unha vez máis inauguraou o 2014 na cabina do Rif-Rock, todo un clasicazo, e desta vez en plan Guerrilla Girls!!
SINGLES2013 (11 xaneiro 2014)
Aquí tedes a nosa selección do 2013, toda unha noite pelexando coas nosas listas, e todo mesturado conxuntamente por Kurco e Munstaphá (o especial GZ Canibal vai aparte). Aquí tedes dous volumes con 41 temas en total.
[ver entrada]

Singles 2013 GZ Canibal (11 xaneiro 2014)
E aquí está unha vez máis a nosa selección do GZ Canibal de cada ano!! escollida e mesturada a golpes por Kurco e Munstaphá. 
Con moita diferencia o mixtape máis descargado de cada ano. 
Jamaican Roots Pure Dynamite!! (17 xaneiro 2014)
Con esta comezamos unhas cantas entregas menos habituais da serie Black Grooves! adicada desta vez ós vellos sons de Xamaica, inspirada polo mítico Laurel Aitken, así que aquí case todo é rocksteady: Pure Dynamite!!
[ver entrada]

Odio Comic Sans dj.Set (18 xaneiro 2014)
O dj.set da web OdioComicSans volvían á nosa cabina da man de Comomepós Produccións. 
Cos seus catro responsables enfrontando diferentes estilos durante toda a noite. 
4 sesións para meter ó máximo volume!!

tRash Tra$h trAsH #9 #8 (24 xaneiro 2014) 
Xa tocaba nas entregas TrashTT un recordo a David Lynch, a través de Eraserhead no cartel, e con uns cantos temas dos seus filme e da súa composición, e mesturado coa mellor basura que atopamos no momento!!
[ver entrada]
tRash Tra$h trAsH #9 (15 febreiro 2014) 
O cartel de Astro Zombies era só unha pequena distracción para montar unha noite enteira  cos discos e bandas que máis nos gustan do rock psychodélico e alucinado destes últimos anos.
[ver entrada]


Fuck'U Whiteys... Black Grooves! 18 (21 febreiro 2014)
A finais de febreiro volvíamos coas sesións Black Grooves máis habituais, aínda que todo cheo de rhythm'n'blues, por que o punto funk saiu toda a noite de James Brown, sobre todo cos seus directos máis míticos.
[ver entrada]
Kurco SoundSystem (8 marzo 2014)
Despois da sesión de Singles2013, en marzo chegaba a primeira entrega de Kurco deste ano na nosa cabina. A portada do Touch me I'm Sick xa nos anticipaba unha morea de clásicos da época e outro tanto de ruído!!!
[ver entrada]

Jamaican Roots. Pure Dynamite! (14 marzo 2014)
Por petición de uns cantos incondicionais fixemos unha continuación destas entregas das Black Grooves adicadas ós vellos sons de Xamaica. Se na ocasión anterior nos centramos en Laurel Aitken, desta foi Don Drummond o maior protagonista: Pure Dynamite!! 
Sheriff Lorre (22 marzo 2014)
Ademáis de ser un dos nosos artistas favoritos en directo, sempre é todo un luxo contar co Sheriff Lorre na nosa cabina. Aquí tedes un mixtape de uns 40 minutos da sesión que nos deixou en marzo. Rock N'Soul! 
[ver entrada]
Marinocha Über Alles (5 abril 2014)
Segunda entrega de Marinocha neste 2014, con esa Marilyn desconsolada na ficha policial.
Unha sesión chea de bandas femeninas e cabreadas, aínda que na selección que nos fixo foi un pouco mais diplómatica. Über Alles!!! 
[ver entrada]

Dj Jaleo! (19 abril 2014)
Un audio de Jaleo non é o mesmo que velo en directo nunha das súas sesións enfrontándose a Rufo, pero é unha boa forma de recordalo ata que chegue a seguinte ocasión. Tamén dispoñible no seu mixcloud. A darlle volume!!
[ver entrada]

Fuck'U Whiteys... Black Grooves #20 (25 abril 2014)
Non sempre subimos sesións para descargar de tóda-las entregas da serie Black Grooves! E esta foi a número 20 que subimos nestes últimos anos. Pero que non vos confunda o cartel, non busquedes nada de Betty Davis... Fuck'U Whiteys!!
[ver entrada]

Psych.Munstaphà (9 maio 2014)
O cartel coa Ptooff! dos Deviants xa deixou moitas pistas de por donde iban os tiros. Xa había tempo que non adicábamos unha noite ó son máis sixtie, pero desta vez foi todo moito máis arriscado e underground.
[ver entrada]

GZ Canibal: Marinocha Vs Munstaph'a  (17 maio 2014)
E aquí tedes o especial do 17 de maio do GZ Canibal que fixemos polo Dia das Letras 2014. Son dúas partes por separado de pouco máis de media hora cada unha, cara A e B, Marinocha Vs Munstaphà.
[ver entrada]

Fuck'U Whiteys... Black Grooves #21 (23 maio 2014)
Outra entrega da serie Black Grooves, e con esta 21 subidas. A de maio foi unha sesión con algo de funk, pero repleta de vellos temas de rhythmblues. A selección da sesión quedou un puco máis equilibrada, con estos 20 temas de rhythm'n'funk.
[ver entrada]

Kratatz "Rockabilly Night!" (7 xuño 2014)
Aquí tedes todo o material que nos deixou Koko Kratatz da súa sesión do 7 de xuño. Unha noite de rockabilly sen concesións, chea de sons crudos e atacando tódo-los paus posibles. Tremendo material repartido en 2 volumes!!!
[ver entrada]

Fuck'U Whiteys... Black Grooves #22 (27 xuño 2014)
Aquí tedes unha parte da sesión do venres da serie Black Grooves!!. Aquí tedes pouco máis de unha hora con 20 temas dos sons negros máis actuais. Moito revival funk, acid jazz, soul e r'nb destes últimos anos.
Kurco SoundSystem "W.White" (28 xuño 2014)
Outra entrega de Kurco SoundSystem, e para esta ocasión solo lle faltou a furgoneta-laboratorio. Todo salteado por temas fundamentais da serie de tv Breaking Bad, a ratos Walter White, a ratos Heisenberg...
[ver entrada]

Fuck'U Whiteys... Black Grooves #23 (28 xullo 2014)
A golpe de luns, comezamos a semana do Albariño, en plan post-festa ó concerto do JFG de Paco Charlín, así que adicamos boa parte da noite ó jazz, dende estándares e clasicazos ata traballos máis recentes destes últimos anos.
[ver entrada]

15º Aniversario Rif-Rock SoundSystem (agosto 2014)
E semanas despois de celebra-lo noso Aniversario comezamos a distribuir o recopilatorio máis agardado de cada verán, e desapareceu nas nosas máns en un par de noites. Logo, coma sempre, xa o subimos para que tódo-los que quedaron sen el o puideran descargar. Así que aquí tedes a oportunidade unha vez máis, o recopilatorio do 15º Aniversario do Rif-Rock!. 
De paso tamén podedes rapasar todo o material seguindo a etiqueta 15 aniversario.
[ver entrada]

Marinocha Über Alles (6 setembro 2014)
A comezos de setembro recuperamos a actividade normal despois do parón de agosto, e para comezar con gañas nada mellor que contar con Marinocha e outra das súas sesións Über Alles!! e menudos cañonazos que nos deixou!
[ver entrada]


tRash Tra$h trAsH #10 (12 setembro 2014) 
Desta vez a cousa era fácil, no cartel apareceía a portada do "Bongo Brain" dos divertidos The Revillos, e xa era bastante pista para intuir por onde iría a sesión. Unha hora de basura punk e new wave ben mesturada e bastante animada.
[ver entrada]

Fuck'U Whiteys... Black Grooves #24 (19 setembro 2014)
E despois do verán tamén retomábamos a serie de música negra de cada mes. Aquí tedes unha sesión un pouco máis longa do habitual da sesión do venres das Black Grooves!! 25 temas de funk, soul & Rhythm'n'blues!! Metédelle volume!!
[ver entrada]

Kurco SoundSystem (27 setembro 2014)
Volvia Kurco despois do verán, e a súa sesión era para continua-la festa despois do concerto de The Even Flow Experience. Son dous volumes, nesta ocasión sen mesturar, os temas tal cual no-los enviou, máis noventero imposible!!
[ver entrada]

tRash Tra$h trAsH #11 (17 outubro 2014) 
Aínda que o cartel podía levar a pensar que era outra sesión de macarradas dos 50, tiramos polas bandas de rock psychodélico recentes que máis nos gustan, e o final o cassette se quedou en 25 temas dos últimos anos, sempre basura ben mesturada. 
[ver entrada]


Chief Bromden Black Grooves#25 (25 outubro 2014) 
En outubro volvía o Chief Bromden á nosa cabina para encargarse das Black Grooves dese mes, e desta vez por fin nos deixou unha hora da súa sesión, chea de funk, soul, rhythm'n'blues, algo de afrobeat e un par de sorpresas polo medio moito máis próximas...
[ver entrada]

Psycho! (17 outubro 2014) 
Xa tiñamos gañas de facer unha sesión puro 60's , pero cada mes iamos pechando programa e deixando para o seguinte e ata outubro... Na descarga atoparedes unha boa mostra dese día, con 20 temas de freakbeat e garage psych, cunhas cantas xoias.
[ver entrada]

Fuck'U Whiteys... Black Grooves #26 (29 novembro 2014)
Nova entrega das Black Grooves, volvendo ó formato máis habitual aínda que a noite quedou moito máis ecléctica do que tiñamos pensado nun principio. Aquí tedes unha parte da sesión, con 20 temas de funk, soul & Rhythm'n'blues!! Metédelle volume!!
[ver entrada]

Marinocha Über Alles (30 novembro 2014) 
Nada mellor que rematar o mes cunha sesión de Marinocha, e se viña con gañas aínda mellor.
Unhas cantas horas de enerxía, trallazo tras trallazo. Psychodelia, punk, post rock... Aquí tedes unha pequena parte para facervos a gañas de máis. Uber Alles!! 

Kurco SoundSystem (13 decembro 2014)
A última sesión de Kurco deste 2014, desta vez sen premisas, e mesturando dende pezas totalmente actuais e clasicazos da súa marca. Ademáis de tanto chamar ó lado escuro da forz, tampouco quixo faltar John Williams...
Michi Calambres "Anti-NadalSoul" (20 decembro 2014)
Non foi a última do ano, pero sí a última que vos deixamos. Na primeira das noites do Nadal Soul tiñamos ó gran Michi Calambres na cabina despois do concerto, e si esperábades soul, funk e demáis nin o tentedes, puro "Anti-NadalSoul" Grande Calambres!!

E xa sabedes, neste 2015 moito máis...