Hüsker Dü "Savage Young Dü"

Hai varias semanas que non vos recomendamos ningún álbum, así que imos con algo realmente grande para compensar.

O selo Numero Group lanza este fantástico "Savage Young Dü", unha caixa que recopila os primeiros anos dos míticos Hüsker Dü. Unha colección seleccionada por Greg Norton, e que se presenta en formato 3 cds máis libro, ou 4 LPs con libro en gran formato (polo momento está entre 40 e 85$). En total 69 temas remasterizados dende as cintas analóxicas orixinais, e das que 47 son totalmente inéditas do período 1979-1983, a maioría recollidas nas sesións do "Land Speed Record", "In a Free Land" e "Everything Falls Apart". 

A saída oficial a comezos de novembro, pero xa está dispoñible a reserva nos dous formatos. Ademáis para as reservas inclúe un 7'' con temas extra das sesións do "Metal Circus" de 1983, que leva por título "Extra Circus".

Unha mágoa que coincidira no tempo co falecemento de Grant Hart, pero así aínda se fai máis imprescindible todavía.

Web de NumeroGroup.

HÜSKER DÜ "Savage Young Dü"

(Numero Group, 2017)