Où Sont les Femmes? 2017

Este mes de marzo programamos unha nova edición do ciclo Où Sont les Femmes?, no que se fan cargo da cabina do Rif-Rock algunhas das nosas mellores amigas para encargarse de toda a selección musical. 

Será a terceira edición, con menos sesións que o ano pasado polas datas dispoñibles, pero con propostas e estilos ben distintos.

Tedes o flyer co programa completo nesta entrada.

Comezamos este mesmo fin de semana, o sábado 4 con MARINOCHA ÜBER ALLES, a principal impulsora desta historia e por suposto, porá todo o que lle pete, coma sempre.

O Sábado 11 será turno de BIMBA POP!, xa convertida en habitual da nosa cabina, garage rock, power pop e indie asegurado.. 

A seguinte semana faremos un pequeno paréntese nas sesións, teremos en directo aos Breakin' Bones, pero despois do concerto tomará os mandos PAU PAU A GO-GÓ! para ofrecernos a súa dose de ye-yé, beat, garage e surf.

Para rematar o mes temos sesión dobre: o venres 24 presentarase DON JUAN'S RECKLESS DAUGHTER, outra historia de Noa Castro que se reinventa coas súas músicas do mundo, jazz, bossa, soul, funk... sempre diferente a todo o demaís. A última entrega será o sábado 25, con NANI GONZÁLES e as súas sesións enormes con todo o que se lle poña por diante.

Mañá mesmo comezamos.
Esperamos que vos guste! Non faltedes!!