Poison Ivy "Peter Gunn Twist EP"

Novo lanzamento do universo The Cramps que chega dende o selo Trash Wax. Trátase dun 7'' que recolle tres temas gravados por Poison Ivy en momentos moi diferentes. Non pensedes que é material novo ou inédito.

Na cara A 'Peter Gunn Locomotion', instrumental xunto con Kid Congo e Art Fein, un tema que aparecía nun recopilatorio de homenaxe as bandas sonoras de Henri Mancini ("Shots in the Dark", Donna Records, 1996). Na cara B dous temas acompañando a Wanda Jackson no seu álbum de 2003 "Heart Trouble". En primeiro lugar 'Funnel of Love' con Poison Ivy nas guitarras e coros, e 'Riot in Cell Block#9' asinada como Wanda Jackson & The Cramps, que só aparecía na edición en cd daquel álbum. Nada novo, pero sempre interesante.

Edición de 300 copias polo momento en vinilo negro, pero xa anuncian seguinte tirada en plástico vermello. Para completistas.

POISON IVY "Peter Gunn Twist EP"

(Trash Wax, 2017, 2017)

Iggy Pop "Lust for Life"

Tóda-las semanas toca algunha efeméride musical, así que esta comezamos por ahí, co 40 aniversario da resurrección de Iggy Pop.

Trala disolución dos Stooges en 1971, e uns anos que segundo a lenda foron moi escuros para Iggy Pop, comezou a súa carreira musical en 1977 da man de David Bowie, como productor e principal compositor dos seus álbumes, ademáis de pretarlle aos seus músicos colaboradores habituais.

Primeiro foi "The Idiot" lanzado en marzo do 77, con relativo éxito para a nova imaxe da iguana. Case sen tempo, lanzábase "Lust for Life", a finais de agosto do mesmo ano. Ahí estaban 'The Passenger' e a propia 'Lust for Life', os maiores hits súa carreira, e coa segunda xuventude tra-lo éxito da banda sonora de Trainspotting, aínda moito máis. Ademáis estaba 'Sixteen', que devolvía ás melodías e guitarras abrasivas dos anos dos Stooges e foi o único tema do álbum composto por Iggy nesta ocasión, e temas máis propios do universo sonoro de Bowie, coma 'Tonight' ou 'Turn Blue', pero tamén 'Fall in love with me' que adiantaba a liña de traballos posteriores de Iggy. 

"Lust for Life" foi o seu álbum más popular, e o máis comercial da súa carreira, e toda unha excepción daqueles anos, nos que non voltaría a ter éxito ata o 'Brick by Brick' do ano 90 para voltar ao grande co xenial "American Caesar" do 93. Pero iso xa nos queda moito máis cerca no tempo.

IGGY POP "Lust for Life"

(RCA Recs, 1977)

Camiñar sen fin. Un concerto para Narf

O concerto máis especial desta edición do Festival FEITO A MAN de Santiago, será sen dúbida o tributo a Fran Pérez NARF. Será mañán mesmo, na praza da Quintana, cun compendio de músicos de tódo-los rincóns do mundo cos que colaborou.

Segundo a organización...

"Esta festa pretende, por unha banda, ofrecer unha panorámica significativa da súa música e, por outra, reunir na súa memoria non só os compañeiros e colectivos que compartiron camiño con el en Santiago, senón tamén amigos e artistas fundamentais no seu traballo chegados de Mozambique, Portugal, Euskadi e Inglaterra. (...) Músicos e artistas participantes: Timbila Muzimba, Xelís de Toro, Jim Sanders, Ze Rui, Coro Encaixe, Coro da Rá, Mofa e Befa, Manolo Cortés (Chévere), Luiz Caracol, As Marias (Maria Bouzas e Maria Pujalte), Carlos Santiago, Pepe Sendón, Quico Cadaval, Uxía, Jabier Muguruza, Alfonso Espiño, Pilo Sierra, Xabier Olite, Javier Abraldes, Pista 4, Manuel Paino, Piti Sanz, Ton Risco e Fran Sanz, entre outros".

Unha homenaxe máis que merecida. 

Toda a info na súa web e no facebook.

Se estades mañan por Compostela, non vo-lo perdades!

Pantera e Iribarne & Ulomanía Coop presentan...

Ide reservando o 16 de setembro!!

Pantera e Iribarne Producións e Ulomanía Coop. organizan unha festaza conxunta para a presentación dos seus novos lanzamentos.

Os LAMPREA EXPLOSIVA presentando o seu "Brulio" da man de Pantera e Iribarne (PEI 0004) con dúas edicións diferentes que non teñen pérdida, os KINGS OF THE BEACH presentando "Safa", o novo 7'' lanzado por Ulomanía Coop (ULO-003). Ademáis estarán acompañados polos vigueses VIVEN (hc/punk), e os lexendarios SUDOR, que chegan co seu hardcore ruidista dende Toledo.

Será o sábado 16 de setembro no Distrito 09 de Coia, Vigo. Catro bandas en directo dende 21:00h por unha entrada de risa. Iso sí aforo limitado. 

Vai ser unha festa brutal!!

Toda a info actualizada no facebook.

Tobe Hooper

Tobe Hooper

(1943 - 2017)

esta noite Black Grooves!

Otis Redding "Otis Blue / Otis Redding Sings Soul"

E para rematar coas recomendacións un clasicazo dos de toda a vida.

"Otis Blue" foi o terceiro álbum de Otis Redding, foi tamén o seu mellor álbum, logo de triunfar a comezos dese mesmo ano co seu álbum de baladas (The Great Otis Redding Sings Soul Ballads). En "Otis Blue / Otis Redding Sings Soul" incluía tamén pezas doces que asegurasen o éxito comercial, pero se desquitaba con temas de puro ritmo funk, rhythm'n'blues ou abertamente rock. 

Foi unha das grandes apostas de Stax Records, através do seu seubselo Volt: na mesma formación reunían a voz e imponente presencia de Redding, e outras figuras da compañía con membros de Booket T & The MGs, a sección de metais de The Mar-Keys e un todavía descoñecido Isaac Hayes aos teclados. Un combo formado para marcar unha época, e o resultado foi espectacular.

No contido, tres composicións do propio Redding: 'Respect' que logo popularizaría Aretha Franklin, 'Ole Man Trouble” e a balada “I’ve Been Loving You Too Long'. O resto todo versións, con dúas de Sam Cooke, que falecera ao tempo da gravación do álbum, sobre todo a enorme 'Shake!', 'Down in the Valley' de Solomon Burke, 'My Girl' de Smokey Robinson, e o xenio desatado en 'Rock me Baby' de BB King ou o 'Satisfaction' dos Rolling Stones.

Sen descusión, un dos mellores álbumes da historia. Imprescindible.

OTIS REDDING "Otis Blue / Otis Redding Sings Soul"

(Volt/ATCO, 1965)

The Blassics "Becoming Waves"

The Blassics son unha banda finesa de groove instrumental. "Becoming Waves" é o seu terceiro lp, pero teñen moitas máis publicación en formatos menores. Neste álbum inclúen nove pezas de soul-jazz e funk sen concesións, sempre cunha rítmica afrobeat que o inunda todo. 'Stepping Outta Factory', as dúas partes de 'Tough Times', 'Bongo Rap' ou 'Swazi Funk' son boa mostra desa mestura, e por suposto os oito minutos de 'Happy News Emerging' como standard de afrobeat máis purista.

Recomendado.

THE BLASSICS "Becoming Waves"

(Odd Funk Records, 2017)

The Fall "New Facts Emerge"

Máis álbumes, agora unha das miñas debilidades. 

Novo álbum de The Fall, que xa tocaba. Mark E Smith segue á súa bola, e aínda que relaxou un pouco o ritmo de publicación de outros tempos, segue fiel a entregarnos alomenos algo novo cada ano. 

Este novo álbum titúlase "New Facts Emerge", e son 10 novos temas (a intro neste caso non conta), con tódo-los elementos do seu FallSound. Arranca coa contundente e longa 'Fol de Rol' de base de rítmica machacona e letras de auténtica provocación, temas como 'Victoria Train Station Massacre', 'Gibbus Gibson' e 'Groundsboy' son coma unha revisión de sí mesmo a finais dos 70s con máis melodía e máis elementos pop, mentres que 'Brillo de Facto', 'New Facts Emerge' ou 'Second House Now' son a actualización da súa propia fórmula, do mellor que leva feito mr Smith nos últimos anos. E por suposto un par de pezas de máis de oito minutos que son para non perderlle detalle. Semella que está en forma o mestre Smith, alomenos cando se mete no estudio.

Recomendadísmo coma sempre.

THE FALL "New Facts Emerge"

(Cherry Red, 2017)

Nebula "To the Center"

Imos con algúns álbumes antes da fin de semana.

De primeiro esta auténtica xoia da miña adolescencia que hoxe mesmo atopei rebuscando discos, logo de moitos anos buscando por unha edición en vinilo.

NEBULA "To the Center" 

(Sub Pop, 1999)

A finais dos 90s Eddie Glass (guitarra) e Rubén Romano (bateria) abandoaban a formación de stoner Fu Manchu para montar un proxecto máis orientado ao rock psychodélico, nacía Nebula, coa incorporación de Mark Abshire ao baixo. 

Co paso do tempo, Nebula foi para o meu gusto a mellor banda de toda aquela xeración orixinal do stoner, o resto perdéronse en outras historias, e mentras Glass e Romano estiveron xuntos firmaron unha colección de álbumes tremendos.

"To the center" foi o seu lp de debut. Lanzouse o 24 de agosto de 1999, logo de dous eps de comezos dese mesmo ano ("Sun Creature" e "Nebula/Lowrider") nos que foron afinando a súa proposta.

"To the Center" son 12 temas nos que atopamos de todo, hard rock, stoner, rock psychodélico e auténticos viaxes espaciais, acelerados ou relaxantes, hai para todos. 'To the Center' ou 'Freedom', o trallazo 'Antigone' marca da casa, entre punk, psych e stoner, pura marabilla, o blues alucinado de 'So Low', os sitares sicotrópicos de 'Synthetic Dream' con percusións manuais, antes de 'Between Time' e rematar con 'You Mean Nothing' coas evolucións bestiais de Romano. En medio a versión dos Stooges 'I Need somebody' con Mark Arm dos Mudhoney nas voces. Guitarras desbocadas, sitares, e a sempre espectacular percusión de Romano. 

Un deses álbumes cos que xa non contaba atoparme xamáis a precio razoable, e aquí está. Discazo para a colección.

O audio completo en youtube.

ULO-003: Kings of the Beach

Os de Ulomanía Coop seguen cos avances da súa terceira referencia.

Hoxe amósannos a portada do 7'' dos KINGS OF THE BEACH, e xa nos avisan que en poucas semanas o teremos xirando nas nosas casas... atentos!!

Jerry Lewis

Jerry Lewis

(1926 - 2017)

este sábado: CHIEF BRODEN!!

RifRocKerZ Partiallnite!!

[Revival] The Voorhees

Un pouco de revival antes da fin de semana.

A banda que queremos lembrar hoxe foi outras desas formacións de un día que tanto nos gustan no Rif-Rock. THE VOORHEES eran Piti González na batería, Isidro Dozo ao baixo e voces, e o mestre Karlos Abal coas guitarras, e completaban o cartel do noso 13º Aniversario xunto con The Walnut e media ducia de sesións máis.

The Voorhees chegaban directamente dende Camp Crystal Lake, inspirados por Jason Voorhees, xa que o seu concerto ía ser inicialmente o venres 13 daquel mesmo mes (e no 13º aniversario). A última hora tivemos que retrasalo ata o día 27, pero o plan xa estaba feito. Ofrecéronnos un show case improvisado, con pezas de horror-shock, repises stonianos e bandas sonoras de clasicazos de tv. 

Aquí vos deixamos o 'Munster's Medley' co que comezaron o show, se queredes máis podedes repasa-lo seu concerto completo aquí.
Foi o 27 de xullo do 2012, cinco anos xa...

"England is Mine"

A comezos de mes estreouse no Reino Unido "England is Mine", un biopic non oficial sobre Morrisey, que se centra nos seus anos como xornalista e crítico musical antes da formación dos Smiths. 

O filme está dirixido por Jack Gill (a súa primeira longametraxe), e escrito polo porpio director xunto con William Thacker, e o papel de Morrisey está interpretado por Jack Lowden. A historia abarca o período entre 1976 e 1982, xusto antes do lanzamento do primeiro álbum dos Smiths, e aínda que está a recoller críticas moi dispares, non nos imos perder a oportunidade de vela. Seguro que a teremos en tódo-los festivais de cine do outono.

Pink Floyd "Piper at the Gates of Dawn"

A comezos de mes cumpríanse 50 anos do lanzamento do debut dos Pink Floyd.

Por suposto, non é o seu álbum máis popular, pero sí o máis influínte da súa carreira, abrindo novas vías da psychodelia para as demáis bandas da época, mesturando xéneros, empregando tonadas da música popular, e empregando métricas e progresións de acordes nada habituais ata aquel momento. Ademáis foi o álbum no que o mítico Syd Barrett levou o peso da composición do álbum antes da súa enfermidade. Por destacar algún tema, a fantástica apertura con 'Astonomy Domine', a enorme 'Interstellar Overdrive', a experimentación de 'Take Up Thy Stethoscope and Walk', e 'Lucifer Sam' que é o meu favorito deste álbum, pero mellor que o escoitedes completo unha e outra vez.

50 anos desta xoia. Imprescindible en calquer colección.

PINK FLOYD "Piper at the Gates of Dawn"

(Columbia, 1967)

Guided By Voices "How Do You Spell Heaven"

Máis novidades. Robert Pollard comezou o ano co álbum número 100 da súa carreira, o "August by Cake" dos Guided by Voices. Despois diso xa só quedaba lanzar o seguinte, e poucos meses despois aquí está. 
"How do you spell Heaven" son 15 novos temas marca da casa. Un álbum no priman as melodías e os xogos de guitarras máis que nas últimas entregas, moitos temas de power pop, e desta vez parecen moito máis elaborados do que nos ten acostumados, aínda que iso pode pasar totalmente desapercibido... pero o certo é que había moito tempo que Pollard non firmaba un tema tan redondo coma 'Pearly Gates Smoke Machine' de máis de catro minutos, ou 'King 007' que se manexa entre as melodías e os medios tempos e un solo de guitarra arrebatador pouco habitual no seu repertorio. Polo demáis outras maravillas coma o ritmo repetitivo de 'Boy W', as rítmicas de 'Cretinous Number Ones' e 'The Birthday Democrats', ou as evolucións de 'How to murder a man'. Outro para a colección.

GUIDED BY VOICES "How Do You Spell Heaven"

(GBV Inc., 2017)

Ty Segall "Fried Shallots EP"

Pouco a pouco imos recuperando o ritmo do blog, así que xa vai sendo a vez dunha cantas recomendacións de discos frescos.

Comezamos a semana co novo traballo de Ty Segall, "Fried Shallots EP", que reúne vellos temas de diferentes épocas, entre o 2011 e comezos deste ano, todos gravados de novo, e un par deles inéditos. A recadación irá a beneficio da Asociación Americana de Libertades Civís. 

Son seis temas entre os que atopamos a ruidosa 'Big Man', a potente 'Dust', o divetimento acústico de 'When the Gulls turn to ravens', o garage de 'Is it Real' auténtica marca da casa, 'Another Hustle' con fantásticos xogos entre a guitarra acústica e o baixo, ou 'Talkin' do seu último álbum de comezos de ano.

Xa dispoñible en dixital, o vinilo a partires da próxima semana.

TY SEGALL "Fried Shallots EP"

(Drag City, 2017)

ULO-003: Kings of the Beach

Xa vos avisamos de que os de Ulomanía Coop non collerían vacacións neste verán. Levan meses coas máquinas a pleno rendimento para lanzar a súa terceira referencia, e esta semana ao fin desvelaron o segredo.

A banda viguesa KINGS OF THE BEACH serán os protagonistas de ULO-003, un 7'' en riguroso vinilo, con catro trallazos que vos voarán a cabeza a 33rpm.

En breve máis detalles e datas de presentación en directo.

25 ago: Black Grooves

19 ago: CHIEF BROMDEN

Imos recuperando a normalidade antes de que remate o verán.

Dende a próxima semana comezaremos coas programacións, sesións e demáis.

A primeira sesión será a cargo do CHIEF BROMDEN!!

Sábado 19 de agosto. Non vo-lo perdades!

Festa Cidade Europea do Viño

Unha das propostas musicais da programación do concello de Cambados como Cidade Europea do Viño é o festival que se celebrará en Setembro. Con bandas coma os locales Ghesgha, Disco Las Palmeras, Cápsula ou Belako, e os enormes Kings of the Beach!! O 9 de setembro no Parque de Torrado.

Entradas aquí.

Goldy McJohn

Goldy McJohn

(1945 - 2017)

A 9ª FESTA DO BIGOTE!!

Aquí vai o resumo da 9ª FESTA DO BIGOTE!!

Festaza espectacular coma sempre, risas aseguradas!! Moitas gracias a todos por participar un ano máis, logo dunha dura semana de festas.

Coma tódo-los anos insistimos nos poucos aspirantes serios a mellor bigote, e desta vez máis nivel nos postizos, 

Os premiados de onte na 9ª FESTA DO BIGOTE!!

- Mellor Disfraz: VITOR DOMINGUEZ

- Bigote Postizo: OLALLA NOVAS

- MELLOR BIGOTE: DENIS PINTOS

Noraboa de novo ós premiados!! aplausos!!

Temos que comezar os nosos agradecementos a Edu Charlín de PC BARBERÍA, un padriño insuperable para esta festa, pola súa implicación, e polos seus espectaculares lotes de productos. A Sanni Cerviá por encargarse da presentación a última hora, e case sen tempo para preparala, a Marinocha por poñer orden en todo isto. E por suposto e a todos por vir a rematar a semana de Albariño con tanto humor e tantas gañas de seguir pansándoo ben!! 

Ademáis fixemos a retirada oficial da camiseta de Super R, que levaba alí dende a 3ª edición do 2011, aquel ano da trapallada do complot. Volverá para a próxima edición, pero iso xa volo contaremos no seu momento.

Atoparedes un amplo álbum no noso facebook, e seguro que iremos engadindo máis fotos nos próximos días.

Por último, aquí tedes o video coa entrega de premios completa.

O próximo ano máis, e lembrade... será a 10ª edición!!

Os premiados da 9ª Festa do Bigote

Aquí tede aos premiados de onte na 9ª FESTA DO BIGOTE!
- Mellor Disfraz: Vitor Domingues.
- Bigote Postizo: Olalla Novas.
- Mellor Bigote: Denis Pintos.

Noraboa ós premiados, e aplausos de novo!!
E moitas gracias a Eduardo de PC Barbería, o mellor padriño posible desta festa e os seus espectaculares lotes de productos, a Sanni Cerviá por facer de mestra de cerimonias case sen tempo de prepararse, e ao xurado implacable que cada ano ten máis fácil o chollo. Mal asunto...
E por suposto, moitas gracias a todos por vir!!
Nos próximos días xa iremos subindo moito máis material, as fotos, a entrega de premios e demáis... e ata a próxima Festa do Bigote, que xa será a 10ª!

9ª FESTA DO BIGOTE

Xa se achega o día...
Domingo 6 de agosto, Domingo do Albariño, despois da medianoite: 
O RIF-ROCK & CTK convócanvos á nosa 9ª FESTA DO BIGOTE!!. 
O padriño será de novo PC Barbería, ¿para que cambiar si é insuperable??.
Consultade as bases do concurso aquí.
Non faltedes!!

PC Barbería, o padriño da 9ª Festa do Bigote

Una ano máis, e xa van tres seguidos, teremos a a Edu de PC Barbería como padriño de luxo da Festa do Bigote, un tipo insuperable.
Podedes seguilo no seu facebook, pero será moito mellor que vos pasedes por ali en persoa, na Praza de Compostela, de Cambados.

LXV Festa do Albariño

Esta noite comezamos o Albariño 2017

Nós xa arrancamos esta noite o Albariño 2017!!
Como cada ano, comezamos un día antes, xa nos arrepentiremos cando chegue o fin de semana, pero as tradicións son as tradicións...
Coma sempre, con corte de cinta oficioso, chupinazo, e posiblemente sesión sorpresa. Unha noite para @s máis valentes! Non faltedes!!

ULO-003, en marcha

Os de Ulomanía Coop nunca collen vacacións!!.
Xa nos avisan de que está case todo listo para a súa nova referencia. 
Nunhas semanas teremos novas... a 33 e 1/3 rpm.