miércoles, 2 de marzo de 2016

Où Sont les Femmes? 2016


Este mes de marzo teremos unha nova edición do ciclo Où Sont les Femmes?, no que se fan cargo da cabina do Rif-Rock algunhas das nosas mellores amigas para encargarse de toda a selección musical. Levábamos tempo querendo facelo, e o ano pasado ó fin fixemos unha programación completa no mes de marzo, con algunhas das habituais das nosas programacións, outras que había moito tempo que non o facían, e dúas que se estreaban. O resultado foi estupendo, e dende hai varios meses xa moitos nos preguntaban que íamos facer neste ano. Pois máis do mesmo, co mesmo formato, e ampliando a programación todo o posible. Aínda así, quedaron algunhas fora, por problemas de datas ou complicacións de última hora. Xa lles tocará noutra ocasión.

En Où Sont les Femmes? 2016 conseguimos sumar datas e participantes, con oito protagonistas repartidas en sete noites, con propostas e estilos ben distintos! 


Tedes o programa completo nesta entrada.
Abre o programa SAMY SNAKE o sábado 5, habitual de moitas festas do Rif-Rock, pero que non se puxera ó frente da nosa cabina ata o ano pasado, este ano, por suposto repite.
O resto de mes teremos dúas entregas semanais. A seguinte será o turno de PAU PAU A GO-GÓ!, o venres 11, que tamén se estreaba na edición do ano pasado, e xa volveu en máis ocasións: ye-yé, beat, garage, surf... festa asegurada. E o sábado 12 será o turno de MARINOCHA Über Alles, principal impulsora de toda esta historia e a máis habitual de todas as participantes, por suposto porá todo o que lle pete, coma sempre.
A seguinte semana teremos a estrea de LILA ELÉCTRICA o venres 18, eclecticismo puro, teredes que vir a escoitala, e o sábado 19 volve NANI GONZÁLES á nosa cabina, moitos anos despois (se non falla o arquivo, a última vez foi en decembro do 2007!!) non vo-lo perdades!.
Durante a Semana Santa pasamos as entregas a xoves e venres. O xoves 24 teremos de novo ó PROXECTO DJOKOVIC de Noa, músicas do mundo, jazz, bossa, soul, funk... sempre diferente a todo o demaís. E o venres 25 pechamos o ciclo con  CHIS PUM! & BIMBA POP, outra das habituais a nosa cabina que fai de anfitriona a unha que se estrea: 60's, funk, soul e moito indie asegurado.

Esperamos que vos guste! Non faltedes!!


No hay comentarios: